Ŋwàʼlè ə̀ Pɔ̂l sê ghɨə Lûmghè 8:38 - Ŋwàʼlè ə̀ Fèzhə̀ Mkâyn Mə̂ Fèm

³⁸ M kendô səmɔʼ nə fɨa kyîke vayn chyàsə ghâsènì ekɔ̀ŋ zɛ ə Klâys kyi sê ghâsènì, kɨ̀sə ə nyì pî èkwu kɨ̀sə ə̀ nyi endam, kɨ̀sə ə̀ nyi sètsì kɨ̀sə ə̀ nyi etu ə tendâʼàvè, kɨ̀se ə̀ nyi etwɔʼ ekwùtwəyn. Kɨ̀sə ə̀ nyi ashîŋə̂ kɨ̂ynə̀ ə ghâsènì nyi ətəyn, kɨ̀sə ə̀ nyi kɛ ə ke tə pə̂.

Ŋwàʼlè ə̀ Pɔ̂l sê ghɨə Lûmghè 8:38 ပူးပေါင်းရင်းမြစ်များ

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Ŋwàʼlè ə̀ Pɔ̂l sê ghɨə Lûmghè 14:7

Wùə va ə ghâsènì əfètəyn ə è ndamə kə kûmə̀ ngɨŋə̂ vəyn, wùə vîvè e kwuə va sê ngɨŋə̂ vəyn.

Ŋwàʼlè ə̀ Pɔ̂l sê ghɨə Lûmghè 14:8

Ə ghâsènì nyi etwɔ, ə nyi mə ghâsènì nyi etwɔ se nə̀yn eghɛ zɛ ə Pɛ̂pɛ kyiŋə nə ghâsènì nəyn. Mə ə ghâsènì kwu, ə nyi mə ə kwu se nə̀yn nə Pɛ̂pɛ ə saŋnə̂. Nyiəmə, kɨ̀sə ghâsènì nyi etwɔ, kɨ̀se ghâsènì nyi mə ə kwu, ghâsènì nyì ke ə Pɛ̂pɛ ə gho.

Ŋwàʼlè ə̀ Pɔ̂l sê ghɨə Lûmghè 4:21

È tè nyîə fɛte ke ke nâʼà səmɔʼ nə ghɛ zɛ ə Zhə̀fè tsɨ̀nè, Fe nə̀ nə̂ zəynze.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 15:24

Ə mɨ̀se ke pə̀yn, shîŋə̀ kɛ ə Klâys tə tɛ tsɛ̂ nâʼà zuʼse pi sekɨ̂m, è twɔʼve ə È tsɛse fo eluʼ efɔ̀yn sê Zhə̀fè mə ə̀ za nyi pɨ̀a.

2 Kolìŋ 11:14

Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

2 Kolìŋ 4:13

Ə nyàʼ ə Ŋwàʼlè ə Fèzhə̀ nə, “M wâmne kûmə̀ nə mə pomə̂.” Kèpî èghɨ tɔynə̂ epomə̂, ghàs wàmnə̀ kəpî kûmə̀ nə ghàs ə pomə̂.

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

Kòlosè 2:15

Zhə̀fè ə tə tɛ tsɛ twɔʼve, è kɨsè tu ə te ndaʼàvè ə mbi. Kwu ə vəynze awâmnè ə tə nə̀yn nâʼàpî ndè ə fe nə tyaʼa vəynke ə tɛ tsɛ twɔʼve ekɨ̂m.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Ipilù 11:13

Ghɨ nə ghɨnə nâʼà ə̀kɨ̂m tè nyîə kyi èkyî epomə̂zè sê Zhə̀fè se nduə zaʼâ kə ghənə kwu. Ghənə tè paʼà kyi fɨa kɛ ə Zhə̀fè tè tsɨ̀ne pîza, ə̀ tè nyì sə aghaf tsɔ̀fə kə ghɛ zɛ ə Zhə̀fè tè tsɨ̀ne nə ze tə kyaynə̀ kyayn, ghənə tè nyiə ke èghɛ zɛ ə ze nə̀ kyaynə̀ ə pomə̂ zəynze. Ghənə ə tə wàmnè kè nâʼà è cho ghənə̂ghè ə pìə nə ghənə nyi fa chi kə ghɨ etumə è kə ghɨ ghɛ ə chûm ə ghənə endaʼ.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.