Ŋwàʼlè ə̀ Pɔ̂l sê ghɨə Lûmghè 8:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 8:3 ပူးပေါင်းရင်းမြစ်များ

Ŋwàʼlè ə̀ Mâk 15:27

Ə payntə̂ kəpî ə̀ghɨ ə chɔŋɔ yîghe əpɛ̀ ə Njisə̀s əngwùŋ: èmɔ̀ʼ e nyi ə vəyn ekɔyntwɔve, è və mɔ̀ʼɔ ekɔyn ekôvè.

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 9:24

Ghənə ə fɨnə tɔŋɔ wùə vɛ Njisə̀s tè tsuʼ nə ə nyi teshìŋə̀ tèpɛ̀, ə pìə sê vəyn nə, “Pì səmɔʼ ə Zhə̀fè ezə, ghàs nyîə ke nə wùə vɛ ə È tsuʼ ghô nyi wùə ə̀ghɛ epighe.”

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 7:18

M kendô nə ghɛ echûŋ zhîze va ə mì əfètə̂ təm, zɛ mə tyə̂nə̀ nə ə mì əfètə̂ ewìyn ə wûə m̀sɔ̀ŋve. Pi kə təm ghɨmghe chiyntə mi nə m nəyn chùŋ, e tɛ ghaʼa ndò mi se nə̀yn.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

Ŋwàʼlè ə̀ Pɔ̂l sê ghɨə Lûmghè 9:3

kûmə̀ ə̀ghɨ ghɨmə, ghɛ ə ghasè ghə̀ ghənə fɨ ndaʼze emɔ̀ʼ. Kûmə̀ ghənə, m fə nyiə kyiŋə nə Zhə̀fè lɔʼ mi, ə È nəyn m mə va ghasè Klâys.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 3:21

E za tyə̀nə̀ nə Lâŋà kwiynsə̂ ndò tsɨ̂nè tɛ ə Zhə̀fè tè tsɨ̀ne mə? E va za nâʼà səkɔs. Ə tè nyi nə ghɨə fi lâŋkè mə ke kaʼa ə ke fo ndamze, mə ghɨə tè kàʼa ə ghə nyi chichi ə Zhə̀fè əshi tɔynə̂ fumə alàŋ.

Filìpây 2:7

È və tə pɨl nəyn ngɨŋə̂ Vəyn sə va nâʼà eghɛ zhîze, È və njìə eluʼ ə wûə èfɨ̀aʼave, Ə pîə kə nâʼà Vəyn kə wùə m̀sɔ̀ŋ.

Ipilù 10:12

Pîza Klâys tè fo ngɨŋə̂ vəyn sə efo shîŋə̀ze emɔ̀ʼ ə njìə tsɨsə̀ sèpi sə ghɨ̀sè sə teshìŋə̀ tèkɨ̂m, zamə è və tsɨsə apàs ekɔyn e twɔ ə Fezhə̀kè.

Ipilù 10:14

È tè fo ngɨŋ ə vəyn shîŋə̀ze emɔ̀ʼ se efo ze ə nə̀ nə ghɨ ghɛ ə Zhə̀fè nə̀yn nə ə nyi ə̀ghɨ yîghe ə kwəynə̂ mɨ̂sə̀ sə teshìŋə̀ tèkɨ̂m.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,