Ŋwàʼlè ə̀ Pɔ̂l sê ghɨə Lûmghè 8:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Zhə̀fè fe ndzɨsə ndò təm ə ghasènìghe, ke èghɛ zɛ ə zuʼse kwaʼtə̀ kûmə̀ nə zuʼse tsə̂mə̀ ndò ə ghɨə Fezhə̀ghè elùʼ endom vɛ ə Zhə̀fè kyiŋə.

Ŋwàʼlè ə̀ Pɔ̂l sê ghɨə Lûmghè 8:27 ပူးပေါင်းရင်းမြစ်များ

Matyò 6:8

Kə ghàyn ə nyi kə ghənə kûmə̀ nə Zhə̀fè Pɨ̀a vâyn nyîə kâynè ke àfɨa kɛ ə ghàyn kyiŋə tsɔ̀fə ə ghàyn pfɨf.

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Ətefɨ̂aʼ 1:24

Ghənə ə nə̀ nyi ə ke tsə̀m ə pìə nə, “Pɛ̂pɛ Ò nyîə ke ə̀təm ə ghɨ̀ghè əkɨ̂m. Tyə̀yn wùə vɛ ə Ò chɔʼ əfètə̂ ə̀ ghɨ ghɨyn ə̀pɛ̀,

Ətefɨ̂aʼ 15:8

Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

Ŋwàʼlè ə̀ Pɔ̂l sê ghɨə Lûmghè 8:6

Ə wùə ndə̀m təm ə vəynghe əghɛ ə senjà se wìynse, ə è tə kwu. Pîza ə wùə ndə̀m təm ə vəynghe ətə ə̀ghɛ ə sezuʼ sə Fezhə̀sè, ə è tə kyî èndam zɛ ə ze tə mîə va è kɨsè pɔ̂ynè.

Ɛfesùs 2:18

Ə̀ nyì ke kûmə̀ Klâys ə ghâsènì əkɨ̂m kyi Zuʼse mɔ̀ʼ mə ə kaʼa ə ndu ə Pɨ̀a əshi, kə əkɨ̂m.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.