Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwàʼlè ə̀ Pɔ̂l sê ghɨə Lûmghè 8:25 - Ŋwàʼlè ə̀ Fèzhə̀ Mkâyn Mə̂ Fèm

25 Pîza ə ghâsènì kyi kwâʼtèzè se fɨa kɛ ə ghâsènì fe va, ghâsènì ə kolə ə̀təm ə lɨmtə̂ kəynke.

အခန်းကိုကြည့်ပါ။ ကော်ပီ




Ŋwàʼlè ə̀ Pɔ̂l sê ghɨə Lûmghè 8:25
26 ပူးပေါင်းရင်းမြစ်များ  

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.


Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.


Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.


Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.


M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.


Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.


Ghàs tsə̂mə̀ nə Pɛ̂pɛ nəyn ə ghàyn fe ndom vɛ ə Zhə̀fè kɔ̀ŋə̀ ghàyn, è kɨsè ndom vɛ ə ghàyn kyi sə̂ kolə ə̀təm ətəyn, kè endom vɛ ə Klâys tè kol.


Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.


Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.


Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.


M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.


Ə tè nyì se tə kyiə fà nâʼà pîndè, ə tə kyî fa kə ndò. Ə tè nyi se tə zhwi nâʼà pîndè efe eghɔŋ, ə tə zhwi ke ndò vəyn è fɛ̂ eghɔ̀ŋze. Zɨnə mə tyə̂nə̀ nə ghɨə Fezhə̀ghè kyi sə̂ kyi èkol ətəmze, è kyî epomə̂zè.”


Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ