21 zhi nə̀ fɨsə̂ èfɨa nə vɨnə mə etyə̂ àtyaʼ kɛ ə ke nə̂ nə fɨave ə fîə, ə ghənə ə kyi kepî èndom se fiə kəpì epomsê zɛ ə Zhə̀fè nyi mə Fe ə fo sê ghɔ Vəynghe.
È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.
Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.
Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.
Ə̀ nyi zamə kə ze tə nə̂ ə zə nyi ezhoghɛ ghɨ zômə̀. Wiyn vɛ ə pfɨ̀mə̀ tə fîə, ə vɛ ə ve zòmə̀ tàʼa fɨnə fì.
Se pì nə è nə̀ fɨnə “Nə̀ʼsə̀ kwəynsə̂” mbi tyə̂nə̀ ə ndayn nə nâʼàpî akè kɛ ə fɛte, ə nə̀ nə̂ʼsə̀ ə chɔʼ, ə fɨa vɛ ə vayn kaʼa nəʼse faŋ.
Pîza ghâsènì lɨmtə̂ se ghɛ zɛ ə Zhə̀fè nyi mə Fə tsɨ̀nè, mə za nyi awulə afeke, è chi afeke mə ə̀ tə pə̂ ə nyi èluʼə chichive.
Epàm əghɛ nə ghɨyn, mə fe ekwùtwəyn efeve è chi ə feke; kûmə̀ nə kwùtwəyn ə shive è chi ə shike se nyi mə və tè saŋ, njwî ə fengwaŋve ə saŋə kəpî.