Ŋwàʼlè ə̀ Pɔ̂l sê ghɨə Lûmghè 8:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza, ə Klâys nyi ə ghàyn ə fètəyn, ə ghàyn ə kyi èndam kûmə̀ nə Klâys ə nə̀yn ghàyn e nyi chichi ə Zhə̀fè əshi, pî kə wîyn mâynm̀ tə kwuə kûmə̀ ə̀ghɛ əpi ghɛ ə ghàyn nə̀yn.

Ŋwàʼlè ə̀ Pɔ̂l sê ghɨə Lûmghè 8:10 ပူးပေါင်းရင်းမြစ်များ

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 15:5

M nyi fekâʼ, ghàyn nyi sèngɔyn. Ghɨ ghɛ ə faŋ ə mì ewìyn, mə faŋə sê ghənə, tə muə ètwɔm ve tsɨ̂ə kə nyi. Ə va mi, ghàyn vayn kàʼa nəyn ghɛ zhîze.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Ŋwàʼlè ə̀ Pɔ̂l sê ghɨə Lûmghè 5:12

Ə̀ tè nəyn wùə èmɔ̀ʼ kə pi pəyn əfètə̂ mbi, ə̀ nyi pi zɛ ə è tè pəyn èkwuze. Nyiəmə, kwuze ə pə̀ sê ghɨghe əkɨ̂m kûmə̀ nə ghɨ msɔ̀ŋghe əkɨ̂m nyi mə ə nə̀yn pi.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

1 Kɔlìŋ 15:45

Ə nyàʼ ə Ŋwàʼlè Fezhə̀ nə, “Wùə əshi Andàm, ə tè fɛte nə è və nyi wùə èndamə”; Andàm è kwùŋsə, mə ə̀ za nyi Klâys tè pə̂yn nyi sèzuʼ sɛ se nə̂ nə ghɨ ghə ndamə.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 4:11

Tɔynə̂ ə ghàs ə tendam, ghàs nyì tsɛ ke ə kwuze echo kûmə̀ Klâys, endom kə fe ndam ə Vəynze tɔynə̂ ə ghàs achaʼ ewìynke.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

1 Tèsàlonikà 4:16

Ə̀ tə pə̂ ə nyi etuʼ vɛ ə Pɛ̂pɛ nâʼà è ngɨŋ ə vəyn tso pə̂yn ekwùtwəyn, ə è pɨa è kyə̀ è tɛ, ə tsì èghaʼâ ə wâmnə̀, ə ghɨ fɨyn zɨ kə tɔŋ sɔŋ ə Fezhə̀zè, ə ghɨ ghɛ ə ghe tè piə kwuə ndò, samsə̂ Klâys, ə zômə̀ sə shi.

Ipilù 12:23

Ghàyn ə pə̀yn elùʼ azhi əghɨ ghɛ ə ghe nyi kə ghɔ Fezhə̀ ghə shighe, ə ghɨ ghɛ ə nyi mə nyàʼ zə ghənə̂ghè ekwùtwəyn. Ghàyn ə pə̀yn ə Zhə̀fè ə shi Fɛ ə fe saʼa ghɨghə əkɨ̂m è kɨsè nə ghàyn ə pə̀yn se ghɨə chûŋ ghɛ ə tè kwu pîza Zhə̀fè ə nə̀ nə ghənə ə nyi chichi.

Ipilù 9:27

Ə ndə̀m nə nâʼàpî ndè tə kwuə kə shîŋə̀ze emɔ̀ʼ, epàmə̂ ə̀təyn ə Zhə̀fè saʼ ghənə.

Etyə̂yn ə paynsêzè 14:13

Mə fɨnə zɨə kyə̀ kə è pə̀ ekwùtwəyn pìə nə, “Nyàʼ ghɛ zɨ̂nə̀ nyi nə, Se zhə̀tè zôyn nyi se ndù əshi, saŋnêzè nyì nâʼà pî se ndè vɛ ə è kwu mə è chùmtə̀ Pɛ̂pɛ è təm ə vəynghe əkɨ̂m!” Zuʼse Ŋwaʼase ə fɨnə pə̀ynsə̀ kə nə, “Ze nyi səmɔʼ. Ghənə nə̀ zɨ̂tə̀ ə ghənə ə tefɨ̀aʼ kûmə̀ nə Zhə̀fè nə̀ mâʼtə̀ ghənə ə ghənə efɨ̀aʼ.”