Ŋwàʼlè ə̀ Pɔ̂l sê ghɨə Lûmghè 8:1 - Ŋwàʼlè ə̀ Fèzhə̀ Mkâyn Mə̂ Fèm

¹ Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 8:1 ပူးပေါင်းရင်းမြစ်များ

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 15:4

Ghàyn e nyi ke sê Mi, kə mə pɔŋ nyi ke sê ghàyn. Twɔmve vayn tsɨ̀ynə muə ngɔyn ə fèkàʼ sə vəyn və ngɨŋ, ve kaʼa ve nəyn ke zɨnə mə ezhoghɛ ve faŋ ə fekàʼ. Ngɔnə̀ fèkàʼ vayn mu etwɔm sə zə̂ynzè ə ngɨŋ ə̀ tsɛ̂ kə va mə è zə zùŋ ə nyìə fèkàʼ. E nyi kepî èghɨ nə ghàyn vayn mu etwɔm ə̀ tsɛ̂ kə va mə ghàyn zùŋ ə mì ewìyn.

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Ŋwàʼlè ə̀ Pɔ̂l sê ghɨə Lûmghè 16:3

Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:16

Maʼte ə Fezhə̀vè tè va kepî èghɨ kə eghɛ epi zɛ ə Andàm tè nəyn, eghɛ zɛ ə pi zɛ ə Andàm tè nəyn tè pəyn è zə̂ynzè. Pi ə̀ Andàm nə vɛ mə emɔ̀ʼ ə nə̀yn, ghɨghe əkɨ̂m ghɛ ə pfɨ̂ saʼ ə Zhə̀fè əshi. Pîza maʼte nə vɨnə mə ə nə̀yn Zhə̀fè fɛ fe njî ghɨə kə ghɨ ghɛ ə nyi choze emɔ̀ʼ yî Zhə̀fè, pi kə ghɨ pa nə̂ ndûə kə ndô pi.

Ŋwàʼlè ə̀ Pɔ̂l sê ghɨə Lûmghè 7:17

Pîza, səmɔʼ ə̀ lote vachi mi è ngɨŋ zɨ̂mzè kə m paynsə̂ nə̂, pîza ə̀ nyi pi zɛ ə è nyi ə mì əfètəyn ə è chiyntə mi nə m nəyn zamə.

Ŋwàʼlè ə̀ Pɔ̂l sê ghɨə Lûmghè 7:20

Zôyn kə m nə̂ ghɛ zɛ ə m kiva se nə̀yn, zɨnə mə chwîtə̀ nə ə̀ vachi mi è ngɨŋ zɨ̂mzè ə m paynsə̂ nə̂ ghɛ ətəynghe. Pîza ə̀ nyi pi zɛ ə è nyi ə mì əfètəyn ə è chiyntə mi nə mə nə̂ ə̀ghɛ ətəynghe.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 8:14

Ghɨ ghɛ ə ghe chûmtə̀ ndom vɛ ə zuʼsə Fezhə̀sè tyə̀nə̀ nyi əghɔ Fezhə̀ghè.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

Ŋwàʼlè ə̀ Pɔ̂l sê ghɨə Lûmghè 8:34

Ə̀ tə pîə ndè nə ghâsènì ə pfɨ̀ saʼa? Njisə̀s Klâys tè kwu, ə zòmə̀, ə tsɨsə̂ ə Zhə̀fè ekɔyn twɔve, ə̀ nyi fumə ə è tə nə̂ ə è və chyatə̂ Fèzhə̀ ə ghâsènì elùʼ.

Ŋwàʼlè ə̀ Pɔ̂l sê ghɨə Lûmghè 8:39

Kɨ̀sə ə̀ nyi atyaʼ ə mbi kɛ ə ke nyi ekwùtwəyn, kɨ̀sə ə̀ nyi kɛ ə ke nyi ə chi, fɨa kyîke va əfètə̂ èfɨa vɛ ə Zhə̀fè nyi mə Fe ə pom kɛ ə ke kaʼa ə ke chyase ghâsènì ətê èkɔ̀ŋ zɛ ə Zhə̀fè kyi sê ghâsènì tɔynə̂ sê Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:4

Zhə̀fè tè nəyn zɨnə mə kə ghɨ ghɛ ə ghe chûmtə̀ va tyaʼa ghɛ ewìynke, pîza pɨlə chumtə̀ ə̀ghɛ atyaʼ ə sezuʼ sə Fezhə̀sè, ghənə tə nə̂ ə nə̂ ə̀ghɛ chichi eghɨ kə lâŋkè kyiŋə nə ghənə nəyn.

Ŋwàʼlè ə̀ Pɔ̂l sê ghɨə Lûmghè 8:9

Pîza ghàyn ndamə va kə njà saynse wìynse kyiŋə. Ghàyn pɨlə ndamə kə zuʼse kyiŋə, ezhoghɛ ə zuʼsə Fezhə̀sè ndɨŋ nyi ə ghàyn ətəm. Nâʼàpî ndè vɛ ə è kiva zuʼsə Klaysè, va yî vəyn.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 15:22

E za nyi kəpi èghɨ kə ghɨ ghəkɨ̂m kwuə kûmə̀ ètsɨ̂yntè ə ghənə̂zè yîghə̀ Andàm, kèpi famə endom, ə tə zômsə̀ ə̀ghɨ ə̀kɨ̂m endam kûmə̀ ètsɨ̂yntè ə ghənə̂zè yighə̀ Klâys.

2 Kolìŋ 12:2

M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ngàleshyà 5:16

M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Ngàleshyà 5:25

Zôyn kə ghâsènì ndamə kûmə̀ Sèzuʼ, ghâsènì kyi sə̂ kwîə kə endom vɛ ə se chisə ghâsènì ətəyn.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.