Ŋwàʼlè ə̀ Pɔ̂l sê ghɨə Lûmghè 7:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghâsènì nə̀ piə nə ghe zo? E tyə̂ nə lâŋkè pofə ndò mə? Ngaŋngaŋ! Lâŋkè pofə chîəva, pîza ə̀ nəyn alâŋ kə m mə ke èghɛ zɛ ə ze nyi eghɛ epize. Ə lâŋkè tè tàʼa pì nə kə wùə ndəm shize ə wùə afɨa, mə m keva nə ze pofə ndò se ndə̀m eshi ə wùə afɨa.

Ŋwàʼlè ə̀ Pɔ̂l sê ghɨə Lûmghè 7:7 ပူးပေါင်းရင်းမြစ်များ

Matyò 5:28

Pîza, m tsâ sê ghàyn zôyn nə, ə nayne pi ndè wùzhɔyn ə səmtə̂ se nyɨ̀ŋə̀ è vəyn, ə nyi mə è və nyɨ̀ŋə̀ è vəyn ə və təm.

Tom èchùŋ kè kə Lûk tè nyaʼ 12:15

ə fɨnə piə sê nɔ̂yn nə kɛ nə, “Ghàyn tɔ̂ʼnə̀ kûmə̀ əshi ə fɨə kûmə̀ nə ndam ə wùəe va ke kûmə̀ efɨa e tsɨə vɛ ə è kyi, ə kɔ̀ŋ ə è və kyi naʼapi zàyn.”

Tom èchùŋ kè kə Lûk tè nyaʼ 20:16

E nyi za, ə è pə̀yn zhwite əghɨ efɨaʼa nə ghɨyn ə è kɛse nji afûʼ ətəynke ə fo sê ghɨə ndô ghè.” Njisə̀s ə mɨ̀sè ngàyn nə zɨ̀yn, ghɨ ghɛ ə zɨtə̂ nyi ə piə nə kə Zhə̀fè tə pomə nə wùə mɔm kyi eghɛ zɛ ə ghɨə efɨaʼa nə ghɛ tè mɔ̀mə̀.

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ŋwàʼlè ə̀ Pɔ̂l sê ghɨə Lûmghè 13:9

Lwɔ̂ŋ vɨnə nə, “Kə ò tə nyîŋə̀ è zhwîə wùə kɨ̀sə ndom ə̀ wùə, kə ò tə zhwi wùə, kə ò tə chɔŋ, kə tə fɨ èshiə əghɨ ghe efɨa.” Lwɔ̂ŋ nə vɨ̂yn è və mɔ̀ʼɔve ekɨ̂m tsɨ̀yntə̀ sə nyi àlâŋ àmɔ̀ʼ. Lâŋ nə kɛ mə nyi nə, “Kɔ̀ŋ ànɛ̂ kè eghɨ kə ò kɔ̂ŋɔ̀ ngɨŋ zɛ̂zè.”

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 3:5

Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze)

Ŋwàʼlè ə̀ Pɔ̂l sê ghɨə Lûmghè 4:1

Ghâsènì kaʼa pi nə ghe kûmə̀ pɨ̀a ghâsènì və shi Aplàghâmə. Ə̀ tè kyayn ghe ə vəyn ashìŋə̀ ə.

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 7:11

Pi ə tə tsɛ̀ epàmə àlàŋ, lɛsə̂ mi, mə nə̀ pi, pi ə̀təyn ə zhwiə mi.

Ŋwàʼlè ə̀ Pɔ̂l sê ghɨə Lûmghè 7:13

Pîza, zɨnə mə tyə̂ ndò nə fɨa kɛ ə ke pɨlə tsɔ̂fə̀ ə pə̀yn mi èkwuze mə? Ngaŋngaŋ, e vachi zamə. Ə̀ vachi àlâŋ ə ke pə̂ mi èkwuze, ə̀ tsɛ pi epàmə̂ àlâŋ, mə ə̀ nyi afɨa ə chûŋkè, ə pə̀ mi ekwuze. Zɨnə mə tè kyayn kə ghɨghe fe kə pi nyi. Nyiəmə, Lâŋ ə Fezhə̀kè ə nə̀yn, pi e chwîtə̀ àtyaʼ ə vəynke nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 7:8

Pîza lâŋ nə kɛ mə tè ndwìse ekwaʼtè zɨmze pize, ə nə̀ mə zhə̀tə̀ se ndə̀m eshi əghɨ ghe efɨa ə tendom tetsɨəte. Ə lâŋkè va, ə pi ə va.

1 Kɔlìŋ 15:56

Fɨl ekwuze nyi pi, pi e kyi kə vəynke nə atyaʼ tɔynə̂ alàŋ.

Ɛfesùs 5:3

Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

1 Tèsàlonikà 4:5

zâ va nə tɨ̂m zɛ ze wìynze se nyɨ̀ŋə̀ è wùzhɔyn ə chisə̂ èndam zɛze kə ghɨ ghɛ ə ghe keva Zhə̀fè nə̀.

Ipilù 7:19

Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.