Ŋwàʼlè ə̀ Pɔ̂l sê ghɨə Lûmghè 7:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ŋwàʼlè ə̀ Pɔ̂l sê ghɨə Lûmghè 7:6 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 6:11

Kèpî endom nə vɨnə mə, ə̀ nyi zamə kə ghàyn kyi sə̂ fe sèngɨŋ saynse kə ghɨ ghɛ ə nyi mə ə kwu kə pi tə nəyn ə è zə fɨyn kiva tyaʼke ə ghàsenì ətu. Ghàyn e fe kəpi sèngɨŋ saynse kə ghɨ ghɛ ə ghe nyi etwɔ ghâyn ghə̀ Zhə̀fè tɔynə̂ se Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:19

M pîə ə̀ghɛ nə ghɨ̂yn nâʼà ə̀kɨ̂m kə wùə msɔ̀ŋ, kûmə̀ nə ghàyn kə əghɨ msɔ̀ŋghe tɔ̂ʼɔ̀ zɨə kêva. Sə shi ghàyn tè fo sengɨŋ saynse kə ekɔ̂s, nə̂ ə̀ghɛ ə pighe è kɨsè ghɛ ə teliŋghe, nə̂ ndûə kə ə̀ghɛ ə pighe. Zôyn ghàyn kyi se fo sengɨŋ saynse əkɨ̂m kə ekɔ̂s, sə nə̂ ə̀ghɛ kə Zhə̀fè kyiŋə, ə zɨnə nəyn ə ndam zaynze ə nyi è ŋwaʼze.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Ŋwàʼlè ə̀ Pɔ̂l sê ghɨə Lûmghè 7:1

Ghɔnyì ghɨmə, ghàyn nyiə ke kûmə̀ èlwɔ̂ŋ. Ghàyn ghɛ ke nə ghɨghe nyi ke etyə̂ àlâŋ shîŋə̀ kɛ ə ghənə pa nyi ètwɔzə?

Ŋwàʼlè ə̀ Pɔ̂l sê ghɨə Lûmghè 7:2

Ə ghâsènì nji Chwìə ə̀ghɛ ə malə̂ghè. Ə wùzhɔyn malə wùə, lâŋkè pìə nə è kyi sə nyi yî ndôm ə̀ vəyn shîŋə̀ tekɨ̂m kə ndom pa nyi ètwɔ. Pîza ə ndom ə̀ vəyn kwu, lâŋ ə malə̂kè fɨnə ko va vəyn.

Ŋwàʼlè ə̀ Pɔ̂l sê ghɨə Lûmghè 7:4

Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ɛfesùs 4:24

Ə̀ tè zaʼle ghàyn nə ghàyn nji wiyn efe vɛ ə tè fɛte nə ve nə fusə̂ Fèzhə̀ sə ndamə kàyntè èndam ə chichi è vəyn fɨnə zo.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,