Ŋwàʼlè ə̀ Pɔ̂l sê ghɨə Lûmghè 7:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.

Ŋwàʼlè ə̀ Pɔ̂l sê ghɨə Lûmghè 7:4 ပူးပေါင်းရင်းမြစ်များ

Matyò 26:26

Kə ghənə tè zhiə, Njisə̀s ə njìə àpayn ə kwaŋke ə fo àzɔ̀ŋnè sê Zhə̀fè ə pɨaʼlə̂ ə fo sê chùmtè èpàm sə vəynse ə pìə nə, “Ghàyn ko zhi. Ə̀ vɨ̂nə nyi ewiyn vɨmve.”

Ŋwàʼlè ə̀ Mâk 4:20

Pîza ghɨ ghɛ ə ghe nyi kə ngwàʼ zɛ ə è tàyntè mchi mê chùŋə̀m, nyi ghɛ ghe zɨə ghɛ ə Fezhə̀zè, ghənə ə kyîə kə ndò, zə pɔŋə tèpuʼ, zhîze e kyi ə̀shi m̀ghɨm ta, zhîze kyi ə̀shi m̀ghɨm tufə, zhîze kyi ə̀shi ewə̀.”

Njɔyn 15:8

Ə nə̀ fe èpomsê ə Pɨ̀a vɨ̂mzè ə ghàyn mu twɔmve setsɨ̀. Ə zɨnə mə nəyn ə ghà ə nyi sèchùmtè èpàm sɨmse.

Njɔyn 3:29

Wùə vɛ è malə wùə zhɔyn nyi vɛ ə è kyi zhwîə ə̀təyn. Pîza so ə̀ ndom ə̀ wùzhɔyn vɛ ə è tyəm lɨmtə̂ nyîə saŋnə nâʼà sə ŋaŋ ezhoghɛ è zɨ kyə̀ ə̀ ndom ə̀ wùzhɔyn. Ə̀ za nyì kepî zamə kə saŋnê zɨme nyi mə zə lwiyn kwəyn.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ŋwàʼlè ə̀ Pɔ̂l sê ghɨə Lûmghè 6:11

Kèpî endom nə vɨnə mə, ə̀ nyi zamə kə ghàyn kyi sə̂ fe sèngɨŋ saynse kə ghɨ ghɛ ə nyi mə ə kwu kə pi tə nəyn ə è zə fɨyn kiva tyaʼke ə ghàsenì ətu. Ghàyn e fe kəpi sèngɨŋ saynse kə ghɨ ghɛ ə ghe nyi etwɔ ghâyn ghə̀ Zhə̀fè tɔynə̂ se Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 7:3

Nyiəmə, ə è ndam yî ndom ə̀ mɔʼɔ mə ndom ə̀ vəyn pa nyi ètwɔ, ə tɔŋtə̂ vəyn nə wùzhɔyn vɛ ə è chùmtə̀ wùə ndomə̀ mə è pa nyi ə ndom ə ndɛ. Pîza ə ndom ə vəyn kwu, ə nyi mə kə lâŋkè tyə̀nə̀, ə è və nyi sə və ngɨŋ. Mə ə è njì ndom ə̀ ndò ashìŋə̀ nə kɛ mə, ə ze ə tyə̂ nə è paʼà chùmtè wùndômə̀ əpɨəyn.

Ŋwàʼlè ə̀ Pɔ̂l sê ghɨə Lûmghè 7:6

Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 10:16

Wà zɛ ə ghâsènì nə̂ mɨə ezhoghɛ ə zhiə wiynə Pɛ̂pɛve, mə ə̀ nyi zə̂ynzè ə ghâsènì fo zɔ̀ŋnèkè ətəyn se Zhə̀fè, ashìŋə̀ kɛ ə ghâsènì mɨə ətəyn, ze nyi nə ghâsènì chyàtə̀ eghɛ zɛ ə Klâys tè nəyn sê ghâsènì ə sɨ̀sə̀ m̀ndəm mə Və̂ynmè. Mə payn ə kwaŋ kɛ ə ghâsènì zhiə, shîŋə̀ kɛ ə ghâsènì zhiə kəynke, ze nyi nə ghâsènì chyàtə̀ ezə ə ngəʼ zɛ ə Klâys tè zɨ awâmnè.

2 Kolìŋ 11:2

M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 5:18

Pîza mə Zuʼsə Fezhə̀sè chisə ghàyn, ə ghàyn ə fɨyn va èkɔ̂s sê lâŋà.

Ɛfesùs 2:15

È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

Kòlosè 2:14

È nyi kəpiə è və zə̀s tsɨsè pi sə ghâsènì sekɨ̂m elùʼ vɛ ə è tè nyaʼ. E tyə̂nə̀ nə pi ə̀təyn fɨyn va. Zhə̀fè ə payntê pi ə̀təyn awâmnè, kè kə è paynte Klâys awâmnè, è ve kwu.

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Ipilù 10:10

Kûmə̀ nə Njisə̀s Klâys ə tə nə̀yn ghɛ zɛ ə Zhə̀fè tè kyiŋə nə è nəyn, ze ə nə̀yn nə ghâsènì ə zo ə ghɛ ə pighe, tɔynə̂ efo zɛ ə è tè fo wiyn ə vəynve kè shîŋə̀ze mɔ̀ʼ.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

Etyə̂yn ə paynsêzè 19:7

Ə ghâsènì ə saŋnə̂, sɨŋnə̂; ə ghâsènì ə tsɨ̂tə̀ Fèzhə̀ kûmə̀ nə shîŋə̀kè ə kwəyn kə Va Ndzè malə, mə zhwìə vəyn se nyi mə è və pɨaʼtê ngɨŋ ə vəyn.

Etyə̂yn ə paynsêzè 21:9

Tsì èmɔ̀ʼ əfètə̂ sètsì sə Fezhə̀ sɛ èsɛ̀mbɛ ə se tè kyi kwaŋ vɛ èsɛ̀mbɛ mə ə lwiynse lɨ̀mè ətəyn za, ə̀ nyi mə̂ynmè ə m̀ pə̀ ètsôs tekwəmnə tekwuŋsə tɛ èsɛ̀mbɛ, ə pə̀ pìə sê mi nə, “Pə, m tyən zhwîə ndom sê ghò vɛ ə è nyì se njiə Va Ndzè.”