Ŋwàʼlè ə̀ Pɔ̂l sê ghɨə Lûmghè 7:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ə̀ nyi ekyì etsòs èkwə̀ ə ve kote mi nyiə! Ə nə̀ fiə za ndè mi fa ewìyn ə wùə m̀sɔ̀ŋ vɛ ə ve pə̂ mi è kwuze nyiə?

Ŋwàʼlè ə̀ Pɔ̂l sê ghɨə Lûmghè 7:24 ပူးပေါင်းရင်းမြစ်များ

Matyò 5:4

Pɔsê nyì sê ghɨ ghɛ ə ghe chîə kwue, Zhə̀fè tə nə̂ nə ghənə saŋnə̂.

Matyò 5:6

Pɔsê nyì sê ghɨ ghɛ ə chɨ̀ŋ zafə ghənə sə̂ nə̂ ə̀ghɛ ghɛ Zhə̀fè kyiŋə. Zhə̀fè tə fo sê ghənə kè kə ghənə kyiŋə.

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

Ŋwàʼlè ə̀ Pɔ̂l sê ghɨə Lûmghè 8:26

Kèpî èghɨ, zuʼsə Fezhə̀sè pə̂ kəpi ndò se tsàmtə ghâsènì pî kə ghâsènì tɛ va tyaʼke. Ghâsènì keva kə kyi se tsə̀m, pîza ə̀ nyi sezuʼ sə səynsə ngɨŋ ə se tsə̂mə̀ sê è tsɔ̂yn zɛ ə ze tsɨ̂ə tsɛ pîzè.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 2:15

È və kwuə kə ghɨ ghə fɨnə fànə̀ va kwuze kûmə̀ nə ghɨ tè tsɨs shîŋə̀ tekɨ̂m, nyi ke kə ekɔ̂s, fànə̀ kə èkwu.

Etyə̂yn ə paynsêzè 21:4

Fe tə zə̂sə̀ m̀shi nâʼà m̀kɨ̂m ə ghənə shi. Kwuze tə pə̂ ə ze ə fɨyn va, tɨ̂l ətəmze e va, chîze va, fɨake nə fɨnə zafə va wùə kûmə̀ nə ghɛ ə mɨ ghə tsɛ̀.”