Ŋwàʼlè ə̀ Pɔ̂l sê ghɨə Lûmghè 7:23 - Ŋwàʼlè ə̀ Fèzhə̀ Mkâyn Mə̂ Fèm

²³ Pîza mə fe nə lwɔ̂ŋ əmɔ̀ʼɔve nyi ndô vɛ ə wiyn vɨmve ə wùə m̀sɔ̀ŋve nyi etyə̂ ə̀təyn, ve nô èlwɔ̂ŋ vɛ ə təm ghɨmghe kɔ̂ŋə̀. Lâŋ nə kɛ mə ə kyî mi ə nə̀ nə mə nyi àkɔs.

Ŋwàʼlè ə̀ Pɔ̂l sê ghɨə Lûmghè 7:23 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:19

M pîə ə̀ghɛ nə ghɨ̂yn nâʼà ə̀kɨ̂m kə wùə msɔ̀ŋ, kûmə̀ nə ghàyn kə əghɨ msɔ̀ŋghe tɔ̂ʼɔ̀ zɨə kêva. Sə shi ghàyn tè fo sengɨŋ saynse kə ekɔ̂s, nə̂ ə̀ghɛ ə pighe è kɨsè ghɛ ə teliŋghe, nə̂ ndûə kə ə̀ghɛ ə pighe. Zôyn ghàyn kyi se fo sengɨŋ saynse əkɨ̂m kə ekɔ̂s, sə nə̂ ə̀ghɛ kə Zhə̀fè kyiŋə, ə zɨnə nəyn ə ndam zaynze ə nyi è ŋwaʼze.

Ŋwàʼlè ə̀ Pɔ̂l sê ghɨə Lûmghè 7:14

Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

Ŋwàʼlè ə̀ Pɔ̂l sê ghɨə Lûmghè 7:21

Nyiəmə, m fe nə lwɔ̂ŋvè nyì ndô vɛ ə m nyi etyə̂ ə̀təyn. Nâʼàpî ashìŋə̀ àkè kɛ m kyiŋə se nə̀yn eghɛ echûŋzè, ə̀ nyi ke sê mi kə m nəyn pi.

Ŋwàʼlè ə̀ Pɔ̂l sê ghɨə Lûmghè 7:25

Zɔ̀ŋnèkè nyì sê Zhə̀fè. E və fi za ndam zɨmze tɔynə̂ ə Va Vəyn Pɛ̂pɛ ə̀ ghâsènì Njisə̀s Klâys. Təm ghɨmə tsâ se mi nə m chumte lâŋ ə Fezhə̀kè, pîza wiyn vɨm və wûə msɔ̀ŋve e chûmtə̀ pi zɛ ə è nyi ə mì əfètəyn.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

Ipilù 12:4

E nyi səmɔʼ nə ghàyn nô pi ə ghàyn ə tendam pîza wùə vîvè paʼà nò se nduə fɨ andiŋ kɛ kə zhwi vəyn.

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.

Njə̂m 4:1

Ə̀ pə̀ ghè ènôzè è saʼnêzè ə ghàyn əfètəyn ə? Ə̀ nyi əghɛ ə pi ghɛ ə ghàyn kyiŋə ə ghàyn ətəm ə ghe nə̂ nə ghàyn ə nô sèngɨŋ saynse.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.