Ŋwàʼlè ə̀ Pɔ̂l sê ghɨə Lûmghè 7:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ M paynse tɔʼ keva ghɛ zɛ ə m nə̂. Ghɛ ghɛ m kyiŋə se nə̀yn, m nə̂ va ghəynghe. Ghɛ ghɛ ə m pâynə̀ ə̀ nyi ghəynghe ə m pɨlə nə̂.

Ŋwàʼlè ə̀ Pɔ̂l sê ghɨə Lûmghè 7:15 ပူးပေါင်းရင်းမြစ်များ

Tom èchùŋ kè kə Lûk tè nyaʼ 11:48

E tyə̂nə̀ kə nâʼà nə ghàyn tɔ̀ʼɔ̀ eghɛ zɛ ə pɨ̀a ghanə tè nə̀yn kûmə̀ nə ghənə ə tə zhwite fɨ̀aʼtè nə sɛmə, ghàyn e pomə teshyə̂ teghaʼâ tə ghənə̂tè.

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Ŋwàʼlè ə̀ Pɔ̂l sê ghɨə Lûmghè 14:22

Nâʼàpî èghɛ èkè zɛ ə ghàyn pomə kûmə̀ ə̀ghɛ nə ghɨ̂yn, ə̀ ke ke ghàyn, ghâynghə̀ Zhə̀fè. Saŋnêzè nyì sê ghɨ ghɛ ə ghe kwaʼtə̀ va nə ə nə̀yn pofsê shîŋə̀ kɛ ə ghənə nə̂yn ghɛ zɛ ə ke nə ze nyi achûŋ!

Ŋwàʼlè ə̀ Pɔ̂l sê ghɨə Lûmghè 7:16

Zôyn kə m nə̂ ghɛ ghɛ ə m kɔ̂ŋə̀ va se nə̀yn, zɛ mə chwîtə̀ nə mə pomə̂ nə lâŋkè nyîə tsɔ̂fə̀.

Ngàleshyà 5:17

Ghɛ ghɛ ə njà ewìyn kyiŋə nyiə nô ə̀ghɛ ghɛ ə Zuʼsə Fezhə̀sè kyiŋə. Pîza ghɛ ghɛ ə Zuʼse kyiŋə e pɔŋɔ nô ghɛ ə njà èwìyn kyiŋə. Ghɛ nə ghɨyn vachi è soyn, e za nyi nə wùə vayn fɨnə nə̀yn eghɛ zɛ ə è kyiŋə se nə̀yn.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 1:9

Ò kɔ̂ŋɔ̀ kə ə̀ghɛ ə chichiə, pânə̀ ə̀ghɛ ə piə. Ə̀ za nyi eghɛ zɛ ə Zhə̀ fɛfe chɔʼ ghô ə fo ghò èsaŋnêzè ə nə̀ nə o kɔʼnə̂ tsɛ̂ nâʼàpî ndè vɛ ghayn ghənə nyi.”

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.

Njût 1:23

Ghàyn shiyn fɨsê ə̀ghɨ ə mɔ̀ʼɔghe ewùs ə ghàyn sɔse ghənə, sê ghɨə mɔ̀ʼɔghe, ghàyn tyəyn kose esəynze mə ghàyn nə̀ zɨnə mə è tɔ̂ʼnèzè kə piə ghɛ ə ghənə̂ ghe pighe nyi mə ghe ə nyùʼ ndzɨsə ghənə̂sè.