Ŋwàʼlè ə̀ Pɔ̂l sê ghɨə Lûmghè 7:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

Ŋwàʼlè ə̀ Pɔ̂l sê ghɨə Lûmghè 7:14 ပူးပေါင်းရင်းမြစ်များ

Matyò 16:23

Njisə̀s ə kə̀mnə̀ ə pìə sê Pità nə, “Ndò ə Mì ekyàʼ ə ndə̂plè! Ò tàmtə̀ Mi nə kə M nəyn kwaʼtè ə Fezhə̀zè kûmə̀ ghè? Kûmə̀ nə kwâʼtè zɛ nə zɨ̂yn pâʼà ndò se Zhə̀fè, pîza sê wùə m̀sɔ̀ŋ.”

Matyò 18:25

Wùə ə̀təyn tè vayn kàʼa è ndaʼ ndàŋ ətəynke. Fɔ̀yn nə vɛ ə tsɛ̀sə̀ àlâŋ nə ə pəʼle vəyn sə akɔ̀s, è zhwiə vəyn, è ghɔ vəynghe se paʼsə̂ nâʼàpî è ghè vɛ ə è kyi, kə ndaʼ zhi fumə ekɛ.

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Matyò 5:28

Pîza, m tsâ sê ghàyn zôyn nə, ə nayne pi ndè wùzhɔyn ə səmtə̂ se nyɨ̀ŋə̀ è vəyn, ə nyi mə è və nyɨ̀ŋə̀ è vəyn ə və təm.

Tom èchùŋ kè kə Lûk tè nyaʼ 5:8

Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”

Tom èchùŋ kè kə Lûk tè nyaʼ 7:6

Nyi, Njisə̀s ə ndò yî ghə̀ ghənə. Ə pə̀ kə è kwi sè paʼsə̂ ndu ə ndɛ̂ àtuə sesokə̀ʼ nə kɛ, ke ə tomə sèsoyn sə vəynse nə se ndu pi sê Njisə̀s nə, “Pɛ̂pɛ, kə ò fɨyn fe ètsôs se pə̀yn kûmə̀ nə m kwənə va kə ò nji ə mìə ndɛ,

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 7:18

M kendô nə ghɛ echûŋ zhîze va ə mì əfètə̂ təm, zɛ mə tyə̂nə̀ nə ə mì əfètə̂ ewìyn ə wûə m̀sɔ̀ŋve. Pi kə təm ghɨmghe chiyntə mi nə m nəyn chùŋ, e tɛ ghaʼa ndò mi se nə̀yn.

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.