Ŋwàʼlè ə̀ Pɔ̂l sê ghɨə Lûmghè 6:2 - Ŋwàʼlè ə̀ Fèzhə̀ Mkâyn Mə̂ Fèm

² E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 6:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 20:16

E nyi za, ə è pə̀yn zhwite əghɨ efɨaʼa nə ghɨyn ə è kɛse nji afûʼ ətəynke ə fo sê ghɨə ndô ghè.” Njisə̀s ə mɨ̀sè ngàyn nə zɨ̀yn, ghɨ ghɛ ə zɨtə̂ nyi ə piə nə kə Zhə̀fè tə pomə nə wùə mɔm kyi eghɛ zɛ ə ghɨə efɨaʼa nə ghɛ tè mɔ̀mə̀.

Ŋwàʼlè ə̀ Pɔ̂l sê ghɨə Lûmghè 5:11

Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 7:4

Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.

Ŋwàʼlè ə̀ Pɔ̂l sê ghɨə Lûmghè 7:6

Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ngàleshyà 2:19

Ə̀ nyi alâŋ kə ke tè zhwi mi, ə nə̀ mi nə kə mə fɨyn nyi ə kəynke etyə̂ àtyaʼ, ndam zɨmze nyi zôyn sə kɔʼsə̂ Fèzhə̀. Ə payntê mi awâmnè è Klâys,

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Njɔyn 3:9

Nâʼàpî ndè vɛ ə è nyi Va Fèzhə̀ nə̀ va pi, kûmə̀ nə ghənə nyiə kyi ètsɨsə̂ Fezhə̀zè. Ghənə e va se nə̂ pi kûmə̀ nə ghənə nyi əghɔ Fezhə̀ghè.