Ŋwàʼlè ə̀ Pɔ̂l sê ghɨə Lûmghè 6:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:16 ပူးပေါင်းရင်းမြစ်များ

Matyò 20:4

È və pìə sê ghənə nə, ‘Ghàyn pɔŋ səʼ ndu ə ghâ fɨ̂aʼà ə mìə afùʼ etwɔmke ə m nə ndaʼ ghàyn èkɛ vɛ ə ve kwəynə.’

Matyò 6:24

“Ò vayn kaʼa ô nyi àkɔ̂s sê ghɨghə pɛ̀; ò nə̀ kɔ̂ŋə̀ èmɔ̀ʼ ə ò payn və mɔʼɔ. Ò nə̀ nə̂ ə o nyi ghâyn wùə èmɔ̀ʼ ə ò tə vɛ mɔ̀ʼɔ. Ò vayn kàʼa ò nyi wùə efɨ̀aʼa sê Zhə̀fè, kɛsè nyi wùə èfɨaʼa sê kɛve.”

Njɔyn 8:34

Njisə̀s ə pìə sê ghənə nə, “M tsâ se ghàyn səmɔʼ nə, nâʼàpî ndè vɛ è nə̀ pi nyi àkɔ̂s sê pi.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ŋwàʼlè ə̀ Pɔ̂l sê ghɨə Lûmghè 12:1

Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

1 Kɔlìŋ 6:2

Pîə e za nyi nə ghàyn keva nə ə̀ tə saʼa əghɨ Fezhə̀ mbi mə? Ə za se nyi mə ə̀ tə saʼa ghàyn mbi, ə ghàyn nə fɨmə zàyn se saʼa m saʼtə̀ me pɔ mə?

1 Kɔlìŋ 6:3

Pîə e za nyi nə ghàyn keva nə ə̀ tə ndò ghâsènì ə saʼ tsìsè mə? Ə ze nyi zamə ə ze ə pɔynə̂ va zayn sê ghâsènì se saʼa əghɛ ə mbi gha ghə?

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

1 Kɔlìŋ 9:13

Pîə ghàyn ke ndô səmɔʼ nə ghɨ ghɛ ə ghe fɨaʼa ə ndɛ̂ ètsə̀mə kyîə èfɨaezhiə ə ghənə̂vè fumə ə Ndɛ ètsə̀mə ə? Ə chyâtə̀ èfɨa vɛ ə fo sə efo etûə alaŋ, fo və ghənəvè.

1 Kɔlìŋ 9:24

Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.