Ŋwàʼlè ə̀ Pɔ̂l sê ghɨə Lûmghè 6:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

Ŋwàʼlè ə̀ Pɔ̂l sê ghɨə Lûmghè 6:14 ပူးပေါင်းရင်းမြစ်များ

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 8:36

E za tyə̀nə̀ nə, ə Vâ wùə zhə̀yn zâ ghò, ò ke nə ò fɨyn va àkɔ̂s səmɔʼ.

Ŋwàʼlè ə̀ Pɔ̂l sê ghɨə Lûmghè 11:6

Chitê ə vəyn nə zɨ̂yn nyi kûmə̀ àfùʼ ə Vəynke, ə̀ vachi kûmə̀ èghɛ zhîze kə ghənə nyi mə ə nə̀yn. Ə ze fə nyi nə Zhə̀fè chitə̂ ə̀ghɨ kûmə̀ eghɛ zhîze kə ghənə nyi mə ə nə̀yn, mə fùʼ ə Vəynke ə fɨyn kiva zhɨynze.

Ŋwàʼlè ə̀ Pɔ̂l sê ghɨə Lûmghè 4:16

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

Ŋwàʼlè ə̀ Pɔ̂l sê ghɨə Lûmghè 5:17

E nyi nə pi zɛ wùə èmɔ̀ʼ tè nəyn, ə nə̀yn ghɨghe əkɨ̂m e nyi etyə̂ àtyaʼ ekwuke. Pîza ghɛ zɛ ə wùə mɔʼɔ èmɔ̀ʼ nə̀yn nyiə ngəs kyi àtyaʼ. Zɨnə mə tə nə̂ əghɨghe əkɨ̂m ghɛ ə ghe nyi mə fi fùʼ ə Fezhə̀ ə tsɨəghe, tə pə̂ ə nyi choze emɔ̀ʼ yîghə̀ Zhə̀fè, ə kyi ndam zɛ ə ze tə mîə va, ə fɨave ekɨ̂m ə nyi ə ghənə etyə̀.

Ŋwàʼlè ə̀ Pɔ̂l sê ghɨə Lûmghè 5:18

Nyiəmə, pi nə zɛmə èmɔ̀ʼ ə Andàm tè nəyn, ə tə nə̀yn Zhə̀fè ə nə̀ ghɨghe əkɨ̂m ə pfɨə saʼ. Kèpî famə endom, ə̀ nyi nyiəmə kə ghɛ echûŋzè emɔ̀ʼ kə Klâys nə̀yn, ə tə nə̀yn nə ghɨghe əkɨ̂m ə nyi chichi ə Zhə̀fè əshi, se kyî endam.

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 8:12

E za tyə̀nə̀ ə ghɔnyìə ghɨmə nə, ghɛze nyîə nyi mə ghâsènì kyi se nə̀yn, ə̀ vachi se ndam kə njà ewìyn ə ghâsènì kyiŋə.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

Ngàleshyà 3:23

Ə̀ tè nyi tsɔ̀fə kə kyî epoməzè ə nyi, ghâsènì ghɨ Njûsə̀ e kwîə kə etyə̀ Alàŋ kə ghɨ ndɛ̂ chaʼa, se zaʼâ ashìŋə̀ kɛ ə Zhə̀fè tè tyəyn paynsê èkyî èpomə nə zɨ̂yn ə ze tè kyi se pə̀yn.

Ngàleshyà 4:21

Ghàyn ghɨnə ə ghàyn kyiŋə sə̂ ndamə etyə̂ Alàŋ nyî, ghàyn tsayn sê mi nə, ghàyn zɨə va ghɛ zɛ ə Lâŋà pìə mə?

Ngàleshyà 5:18

Pîza mə Zuʼsə Fezhə̀sè chisə ghàyn, ə ghàyn ə fɨyn va èkɔ̂s sê lâŋà.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 8:10

Ə̀ mɨ̂nə̀ nyi mkâyn mɛ ə m tə zhiə ghasè ghɨə Isìlâyghè ə mtuʼ mɛ ə m̀ nyì se tə pə̀yn, ə̀ pìə Pɛ̂pɛ M nə̀ ndə̂mə̀ elwɔ̂ŋ vɨmve ə ghənə ə tekwàʼtè ə m nyaʼ vəynve ə ghənə ətəm. M tə nə̂ m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.