Ŋwàʼlè ə̀ Pɔ̂l sê ghɨə Lûmghè 5:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Kol ətəmze nə̂ ndò ghâsènì e kyi ètsɨsə̂ zɛ ə Zhə̀fè kyiŋə. Tsɨsə̂ nə zɨnə mə ə Zhə̀fè kyiŋə, ə̀ nyi zəynze ə ze nə̂yn ghâsènì e kyi èkwaʼtè nə Zhə̀fè tə nə̂ ndò ghɛ zɛ ə È pì nə È nə̀ nə̂ ndò se ghâsènì.

Ŋwàʼlè ə̀ Pɔ̂l sê ghɨə Lûmghè 5:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Ipilù 6:19

Kwaʼtè elɨmtə nə zɨnə̀ ə ghâsènì kyi nə̂ nə ndam ə ghasènìze ə tyəm luʼve emɔ̀ʼ, nəʼlə̀ va, kèpi endom vɛ ə ankɔ̀ kyiə ngwùʼ eghaʼâ əfètə̂ enjwì ə fengwaŋve. Wùə vɛ ə ghâsènì lɨmtə vəyn e təm ə ghasènìghe əkɨ̂m nə è tsamte ghâsènì nyi Njisə̀s, vɛ ə è njiə ndûə ə Zhə̀fè əshi, kèpî endom vɛ ghɨə kɔʼsə nə eshyə̀ engaŋtə kwəynəghe tè njiə ndûə epàm mə̂ àpàŋ ə sendzɨske, njiə ndûə eluʼ eŋwaʼa ngaŋtə kwəynəve.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.