Ŋwàʼlè ə̀ Pɔ̂l sê ghɨə Lûmghè 5:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 5:21 ပူးပေါင်းရင်းမြစ်များ

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ŋwàʼlè ə̀ Pɔ̂l sê ghɨə Lûmghè 5:12

Ə̀ tè nəyn wùə èmɔ̀ʼ kə pi pəyn əfètə̂ mbi, ə̀ nyi pi zɛ ə è tè pəyn èkwuze. Nyiəmə, kwuze ə pə̀ sê ghɨghe əkɨ̂m kûmə̀ nə ghɨ msɔ̀ŋghe əkɨ̂m nyi mə ə nə̀yn pi.

Ŋwàʼlè ə̀ Pɔ̂l sê ghɨə Lûmghè 5:14

Pîza, se zhə̀tə pə̀yn ashìŋə̀ kɛ ə Andàm kè se pə fɨ ə Mosîs ashìŋə̀ kə Zhə̀fè tè fo lâŋkè, kwuze tè nyîə kyi àtyaʼ ə ghɨghe ətu ə̀kɨ̂m. Ghɨghe tè nyîə kwuə, pi kə ghənə tè nyi mə ə paʼà kəm lâŋ ə Fezhə̀kè eghɨ. Andàm tè nyi afusè ə vɛ ə È tè nyì se pə̀yn mə nyi Klâys.

Ŋwàʼlè ə̀ Pɔ̂l sê ghɨə Lûmghè 5:17

E nyi nə pi zɛ wùə èmɔ̀ʼ tè nəyn, ə nə̀yn ghɨghe əkɨ̂m e nyi etyə̂ àtyaʼ ekwuke. Pîza ghɛ zɛ ə wùə mɔʼɔ èmɔ̀ʼ nə̀yn nyiə ngəs kyi àtyaʼ. Zɨnə mə tə nə̂ əghɨghe əkɨ̂m ghɛ ə ghe nyi mə fi fùʼ ə Fezhə̀ ə tsɨəghe, tə pə̂ ə nyi choze emɔ̀ʼ yîghə̀ Zhə̀fè, ə kyi ndam zɛ ə ze tə mîə va, ə fɨave ekɨ̂m ə nyi ə ghənə etyə̀.

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

Ŋwàʼlè ə̀ Pɔ̂l sê ghɨə Lûmghè 6:16

Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:10

Pîza, ə Klâys nyi ə ghàyn ə fètəyn, ə ghàyn ə kyi èndam kûmə̀ nə Klâys ə nə̀yn ghàyn e nyi chichi ə Zhə̀fè əshi, pî kə wîyn mâynm̀ tə kwuə kûmə̀ ə̀ghɛ əpi ghɛ ə ghàyn nə̀yn.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.