Ŋwàʼlè ə̀ Pɔ̂l sê ghɨə Lûmghè 5:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Nyiəmə, pi nə zɛmə èmɔ̀ʼ ə Andàm tè nəyn, ə tə nə̀yn Zhə̀fè ə nə̀ ghɨghe əkɨ̂m ə pfɨə saʼ. Kèpî famə endom, ə̀ nyi nyiəmə kə ghɛ echûŋzè emɔ̀ʼ kə Klâys nə̀yn, ə tə nə̀yn nə ghɨghe əkɨ̂m ə nyi chichi ə Zhə̀fè əshi, se kyî endam.

Ŋwàʼlè ə̀ Pɔ̂l sê ghɨə Lûmghè 5:18 ပူးပေါင်းရင်းမြစ်များ

Njɔyn 1:7

è və pə̀ tsâ sê ghɨə kûmə̀ èpayn nə zɨ̂yn kə ghɨghə kɨ̂m zɨ tom ə̀təyn ə pomə.

Njɔyn 12:32

Ə nə̀ kɔʼsə̂ mi ekwùtwəyn, ə m tɔŋɔ nâʼà ə̀ghɨ ə̀kɨ̂m, ə ghe pə̀yn sê mi.”

Njɔyn 3:26

Ghənə ə ke ndù sê Njɔyn ə tsà se vəyn nə, “Tyə̀ynsè, o kàʼa ò fɨyn kwâʼtè wùə vɛ ə ghâyn vəyn fe nyi engyinə̂ tsô Njondàyn za, ə vɛ ə ò tè wàmnə̀ kûmə̀ Vəyn. È nyîə fo m̀mo sê ghɨə zôyn, nâʼàpî ndè e ndûə se vəyn.”

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Ŋwàʼlè ə̀ Pɔ̂l sê ghɨə Lûmghè 3:25

Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe.

Ŋwàʼlè ə̀ Pɔ̂l sê ghɨə Lûmghè 4:25

Ə̀ nyi Njisə̀s ə Zhə̀fè tè fo nə È kwu kûmə̀ ə̀ghɛ ə piə ghasènìghe. Zhə̀fè tè zòmse vəyn kə ghâsènì kyi ndomve sə̂ nyi chichi ə Vəyn əshi.

Ŋwàʼlè ə̀ Pɔ̂l sê ghɨə Lûmghè 5:12

Ə̀ tè nəyn wùə èmɔ̀ʼ kə pi pəyn əfètə̂ mbi, ə̀ nyi pi zɛ ə è tè pəyn èkwuze. Nyiəmə, kwuze ə pə̀ sê ghɨghe əkɨ̂m kûmə̀ nə ghɨ msɔ̀ŋghe əkɨ̂m nyi mə ə nə̀yn pi.

Ŋwàʼlè ə̀ Pɔ̂l sê ghɨə Lûmghè 5:15

Ghɨ nə ghɛ ə̀ pɛ̀ vachi èghɨ kûmə̀ nə mâʼtè vɛ ə Zhə̀fè fo sê ghɨghe səndô, mə ə̀ pəyn Njisə̀s Klâys è Vəyn, ve va eghɨ kə afɨa kɛ ə kwu ə Andàmzè tè pəyn è kəynke. E nyi səmɔʼ nə ghɨ se tsɨ̀ nyi mə ə kwu kûmə̀ pi zɛ ə wùə èmɔ̀ʼ tè nəyn. Pîza fùʼ ə Fezhə̀kè tsɨ̀ə tsɛ̂ ndò pi nə zɛ mə. Ghɨə tsɨə nyi mə ə fi mâʼtè ə Fezhə̀ etsɨəve kè sə ndô tɔynə̂ se wùə èmɔ̀ʼ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 5:19

Kè kə wùə Andàm tè tàʼa zɨ se Zhə̀fè, ze ə tə nə̀yn wùə m̀sɔ̀ŋ e nyi wùə èpi. Kèpi famə endom kə wùə èmɔ̀ʼ, Klâys tè zɨ se Zhə̀fè, ze ə nə̀yn ghɨ tsɨəghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

1 Kɔlìŋ 15:22

E za nyi kəpi èghɨ kə ghɨ ghəkɨ̂m kwuə kûmə̀ ètsɨ̂yntè ə ghənə̂zè yîghə̀ Andàm, kèpi famə endom, ə tə zômsə̀ ə̀ghɨ ə̀kɨ̂m endam kûmə̀ ètsɨ̂yntè ə ghənə̂zè yighə̀ Klâys.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

1 Njɔyn 2:20

Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.