Ŋwàʼlè ə̀ Pɔ̂l sê ghɨə Lûmghè 5:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ E nyi nə pi zɛ wùə èmɔ̀ʼ tè nəyn, ə nə̀yn ghɨghe əkɨ̂m e nyi etyə̂ àtyaʼ ekwuke. Pîza ghɛ zɛ ə wùə mɔʼɔ èmɔ̀ʼ nə̀yn nyiə ngəs kyi àtyaʼ. Zɨnə mə tə nə̂ əghɨghe əkɨ̂m ghɛ ə ghe nyi mə fi fùʼ ə Fezhə̀ ə tsɨəghe, tə pə̂ ə nyi choze emɔ̀ʼ yîghə̀ Zhə̀fè, ə kyi ndam zɛ ə ze tə mîə va, ə fɨave ekɨ̂m ə nyi ə ghənə etyə̀.

Ŋwàʼlè ə̀ Pɔ̂l sê ghɨə Lûmghè 5:17 ပူးပေါင်းရင်းမြစ်များ

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Njɔyn 10:10

Wùə chɔŋɔ pə̂ tsɛ̂ kə se chɔŋ, se zhwi è kɨsè se pofsê. M pəyn kə ghɨghe ə kyi èndam zɛ ze lwinə kwəynə.

Ŋwàʼlè ə̀ Pɔ̂l sê ghɨə Lûmghè 5:12

Ə̀ tè nəyn wùə èmɔ̀ʼ kə pi pəyn əfètə̂ mbi, ə̀ nyi pi zɛ ə è tè pəyn èkwuze. Nyiəmə, kwuze ə pə̀ sê ghɨghe əkɨ̂m kûmə̀ nə ghɨ msɔ̀ŋghe əkɨ̂m nyi mə ə nə̀yn pi.

Ŋwàʼlè ə̀ Pɔ̂l sê ghɨə Lûmghè 5:15

Ghɨ nə ghɛ ə̀ pɛ̀ vachi èghɨ kûmə̀ nə mâʼtè vɛ ə Zhə̀fè fo sê ghɨghe səndô, mə ə̀ pəyn Njisə̀s Klâys è Vəyn, ve va eghɨ kə afɨa kɛ ə kwu ə Andàmzè tè pəyn è kəynke. E nyi səmɔʼ nə ghɨ se tsɨ̀ nyi mə ə kwu kûmə̀ pi zɛ ə wùə èmɔ̀ʼ tè nəyn. Pîza fùʼ ə Fezhə̀kè tsɨ̀ə tsɛ̂ ndò pi nə zɛ mə. Ghɨə tsɨə nyi mə ə fi mâʼtè ə Fezhə̀ etsɨəve kè sə ndô tɔynə̂ se wùə èmɔ̀ʼ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:39

Kɨ̀sə ə̀ nyi atyaʼ ə mbi kɛ ə ke nyi ekwùtwəyn, kɨ̀sə ə̀ nyi kɛ ə ke nyi ə chi, fɨa kyîke va əfètə̂ èfɨa vɛ ə Zhə̀fè nyi mə Fe ə pom kɛ ə ke kaʼa ə ke chyase ghâsènì ətê èkɔ̀ŋ zɛ ə Zhə̀fè kyi sê ghâsènì tɔynə̂ sê Njisə̀s Klâys Pɛ̂pɛ ə̀ ghâsènì.

1 Kɔlìŋ 15:49

Kè kə ghâsènì kyàʼà kə wùə vɛ ə tè fɛte è chîəm, ə̀ nyì kepî zamə kə ghâsènì tə nə̂ ə kyaʼà kə wùə vɛ ə è ndò ekwùtwəyn.

1 Kɔlìŋ 4:8

Ghàyn nyi mə ghàyn ə kyî nâʼàpî àkè kɛ ə ghàyn kyiŋə! Ghàyn nyi mə ghànə ghaʼ kwəyn! Ghàyn kàyne nyi tèfɔ̂yn pi kə ghàs va tefɔ̂yn! M fe kàʼa m mə kɔŋə̀ nə ghàyn ə nyi tèfɔ̂yn səmɔʼ kə̂ ghâsènì ə saʼa əmɔ̀ʼɔ

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Etyə̂yn ə paynsêzè 1:6

ə nə̀ nə ghâsènì ə nyi ə̀ghɨ endaʼ èkɔʼsə nə eshyə̀ghè mə ghe fɨaʼà sê Zhə̀fè ə vəynfe mə za nyi pɨ̀a vəyn. Pomsêzè è tyaʼke nyi sê Njisə̀s Klâys sə teshìŋə̀ tèkɨ̂m. Ə zə nyi ke zamə.

Etyə̂yn ə paynsêzè 20:4

Mə ke fe mkyə̂ mə tefɔ̀yn mə ghɨ ghɛ ə ghe tè tsɨs ətəyn tè nyi ghɛ Zhə̀fè tè nyiə fo tyaʼke nə ghənə ə saʼa. Mə fɨnə fe àzɨlə ghɨ̀ ghɛ ə tè tsɔyn tuə ghənə̂vè kûmə̀ kə ghənə tè ndàʼa tom ə̀ Fèzhə̀ è kɨsè səmɔʼ zɛ ə Njisə̀s tè tyə̀n paynsê. Ghənə tè nyi əghɨ mə ə kwiynsê nə ngɨmnə va nyàm èpamə zɛ kɨ̀sə afɨâʼsè ətəynke, ə kwiynsə̂ nə kə̂ ə ndəm chwìə nyàm èpamə ə̀təyn ə ghənə echo àtu è kɨsè akɔyn. Ghənə ə tə kɛsê zômə̀ sè saʼa yî ghə̀ Klâys sə sepìŋ kam.

Etyə̂yn ə paynsêzè 20:6

Saŋnêzè è pɔsêzè nyì sê nyì sê ghɨ ghɛ ə paʼse sê zômə̀ əshi nə zɨ̂nə̀. Kwu zɛ ə ze nə̂ nə te ndu tepɛ̀ kyi va tyaʼke ə ghənə ətu. Ghənə tə nə̂ ə nyi ə̀ghɨ kɔʼsə nə eshyə̀ sê Zhə̀fè è kɨsè sê Klâys, ə Klâys yî ghə̀ ghənə saʼ sə sepìŋ kam.

Etyə̂yn ə paynsêzè 22:5

Tuʼ echive tə nə̂ ə ve ə fɨyn va, ə ghənə ə kyiŋə pî va lâmsè kɨ̀sə chwì èpanə, kûmə̀ nə Pɛ̂pɛ Zhə̀fè tə nə̂ ə fe ə nyi èpayn ə ghənə̂zè, ə ghənə ə saʼa kə tefɔ̂yn nâʼà kə ghè tə ghayn.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.