Ŋwàʼlè ə̀ Pɔ̂l sê ghɨə Lûmghè 5:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̀ tè nəyn wùə èmɔ̀ʼ kə pi pəyn əfètə̂ mbi, ə̀ nyi pi zɛ ə è tè pəyn èkwuze. Nyiəmə, kwuze ə pə̀ sê ghɨghe əkɨ̂m kûmə̀ nə ghɨ msɔ̀ŋghe əkɨ̂m nyi mə ə nə̀yn pi.

Ŋwàʼlè ə̀ Pɔ̂l sê ghɨə Lûmghè 5:12 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 3:23

Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 5:18

Nyiəmə, pi nə zɛmə èmɔ̀ʼ ə Andàm tè nəyn, ə tə nə̀yn Zhə̀fè ə nə̀ ghɨghe əkɨ̂m ə pfɨə saʼ. Kèpî famə endom, ə̀ nyi nyiəmə kə ghɛ echûŋzè emɔ̀ʼ kə Klâys nə̀yn, ə tə nə̀yn nə ghɨghe əkɨ̂m ə nyi chichi ə Zhə̀fè əshi, se kyî endam.

Ŋwàʼlè ə̀ Pɔ̂l sê ghɨə Lûmghè 5:19

Kè kə wùə Andàm tè tàʼa zɨ se Zhə̀fè, ze ə tə nə̀yn wùə m̀sɔ̀ŋ e nyi wùə èpi. Kèpi famə endom kə wùə èmɔ̀ʼ, Klâys tè zɨ se Zhə̀fè, ze ə nə̀yn ghɨ tsɨəghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 6:21

Ə̀ nyi chùŋ èkè zɛ ə ghàyn tè kyi kə ghàyn tè nə ghɛ ghɛ ə ghe pə̂ èghomə̂zè zôyn fumə ashìŋə̀? Ghɛ zɛ ghɛ nə ghɛ mə pə̂ e zɨynze nyi ekwu.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 15:56

Fɨl ekwuze nyi pi, pi e kyi kə vəynke nə atyaʼ tɔynə̂ alàŋ.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Njə̂m 1:15

Zamə kwaʼtè ə ghâsènì ze pize fo ghâsènì èkɔ̂ŋzè se nə pi, mə shîŋə̀ kɛ ə pi lote ndəmə kwəyn, è zə pə̀ èkwuze.

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.