Ŋwàʼlè ə̀ Pɔ̂l sê ghɨə Lûmghè 5:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:46

Mèli ə zhə̀tə̀ sə̂ tɨmə tekɨ̂m sê Zhə̀fè pìə nə: Təm ghɨmə fo ètsîtè sê Pɛ̂pɛ,

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Ŋwàʼlè ə̀ Pɔ̂l sê ghɨə Lûmghè 11:15

Ə̀ tè nyi kə Zhə̀fè tə ghɨ ə Njûsghè, ze ə nə̀ nə è ko soynve yighə̀ ghɨghe əkɨ̂m ə mbi. E nə̀ nə̂ ə ze ə fɨyn nyi zàyn zôyn ezhoghɛ ə Zhə̀fè kɛse njî ghɨə Njûsghè kə ghɨ ə vəynghe ə? E tə nə̂ ə ze ə nyi kə ghɨ ghɛ ə nyi mə ə kwu ə fɨnə zômə̀.

Ŋwàʼlè ə̀ Pɔ̂l sê ghɨə Lûmghè 2:17

Zôyn ghàyn ghɛ ə ghàyn tɔŋtə ngɨŋ saynse nə əghɨ ə Njûsə̀, ghàyn ə ndə̀m təm ghaynghe ətə àlâŋ ə Mosîskè, tsɔsə̀ angàŋtè nə Zhə̀fè nyi Fezhə̀ faynfe.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

Ŋwàʼlè ə̀ Pɔ̂l sê ghɨə Lûmghè 9:10

Ə̀ va ke zɛ mə. Ghɔyn endômnè ə Lèpekà ə pɛ̀ tè kyi ke pɨa emɔ̀ʼ, pɨa nə vɨnə mə tè nyi pɨ̀a pɨ̀a ghâsènì Azɨ̀k.

1 Kɔlìŋ 10:16

Wà zɛ ə ghâsènì nə̂ mɨə ezhoghɛ ə zhiə wiynə Pɛ̂pɛve, mə ə̀ nyi zə̂ynzè ə ghâsènì fo zɔ̀ŋnèkè ətəyn se Zhə̀fè, ashìŋə̀ kɛ ə ghâsènì mɨə ətəyn, ze nyi nə ghâsènì chyàtə̀ eghɛ zɛ ə Klâys tè nəyn sê ghâsènì ə sɨ̀sə̀ m̀ndəm mə Və̂ynmè. Mə payn ə kwaŋ kɛ ə ghâsènì zhiə, shîŋə̀ kɛ ə ghâsènì zhiə kəynke, ze nyi nə ghâsènì chyàtə̀ ezə ə ngəʼ zɛ ə Klâys tè zɨ awâmnè.

2 Kolìŋ 8:19

Se kwəynse, è nyi mə ə̀ chɔʼ sendɛ sə Fezhə̀sè vəyn nə ghasè ghənə nə kwiə nə̂ èfɨ̂aʼ echûŋ nə zɨ̂yn, endom sə̂ pomsə̂ Pɛ̂pɛ, è kɨsè se tyə̀yn nə ghàs nyîə kɔ̂ŋɔ̀ nâʼà sə̂ ŋaŋ se tsâmtè.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Filìpây 3:1

Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.