Ŋwàʼlè ə̀ Pɔ̂l sê ghɨə Lûmghè 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ze nyi kepî èghɨ kə Ndàfît tè wàmne kûmə̀ èpɔsê ə̀ghɨ ghɛ ə nyi chichi ə Zhə̀fè əshi, pi kə ghənə nə̂ va fɨ̂aʼ zhîze.

Ŋwàʼlè ə̀ Pɔ̂l sê ghɨə Lûmghè 4:6 ပူးပေါင်းရင်းမြစ်များ

Matyò 25:19

Ə ndamə nâʼà sə ŋaŋ, Pɛ̀ èfɨ̀aʼ ə kɛsə̂ kwɨlə pə̀ ə tɔŋnə̂ ghənə se zɨ nə, ghənə tè fə̂ zayn è kɛ vɛ ə.

Ŋwàʼlè ə̀ Pɔ̂l sê ghɨə Lûmghè 1:17

Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”

Ŋwàʼlè ə̀ Pɔ̂l sê ghɨə Lûmghè 3:27

Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Ŋwàʼlè ə̀ Pɔ̂l sê ghɨə Lûmghè 4:24

Ə tè nyâʼ kepî ə̀ghɛ nə ghɨnə mə sê ghâsènì. Zhə̀fè tə njiə kəpi ghâsènì ghɛ ə pomə nə ə nyi kepî kə ghɨ ə Vəynghe. Ə̀ zòmse Vəyn Pɛ̂pɛ ə ghâsènì Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 4:5

Pîza ə wùə tàʼa fɨ̂aʼ ə ndə̀mə̀ ə və təm nə, kə zhi pomə Zhə̀fè, nə zɛ mə tə nə̂ ə zhi ə nyi chichi ə Zhə̀fè əshi, ə Zhə̀ fɛ ə fe nə̂ nə ghɨ pighe ə nyi chichi ə və shi, È nə̀ njiə vəyn kə wùə vɛ ə è nyi chichi ə Zhə̀fè əshi kûmə̀ nə è və pomə̂ vəyn.

Ŋwàʼlè ə̀ Pɔ̂l sê ghɨə Lûmghè 4:7

Ndàfît tè pi nə, “Pɔsêzè nyì sê ghɨ ghɛ ə Zhə̀fè nyi mə fə lɛ̀sè fo tsas tə ghənə̂tè, ə zə̀sə̀ sèpi sə ghənə̂sè.

Ŋwàʼlè ə̀ Pɔ̂l sê ghɨə Lûmghè 4:9

E za tyə̀ nə ghɨ ghɛ ə nyi mə ə se nam ə ghənə̂ghè nyì ke ghɛ ə ghe tə kyiə pɔsê nə zɨ̂yn ə Ndàfît pìə mə ghɛ ə nyi ndɔ̀ʼɔ se nam ə ghənə̂ghè tə kyîə kəpî ndò pɔsê ətəynze ə? Ghâsènì nyi mə ə kàynè pi nə ŋwàʼlè ə̀ Fèzhə̀ pi nə, “Aplàghâm ə tə pomə̂ Zhə̀fè, Zhə̀fè ə njìə vəyn kə wùə chichi ə vəyn əshi”

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ngàleshyà 4:15

Ə̀ kyâyn ghe sê saŋnê zɛ ə ghàyn tè kyiə? M pìə kə nâʼà səmɔʼ nə, ə ze fe pɔynə̂ mə ghàyn ə chɔʼtê shi ghaynghe ə fo sê mi.

Ɛfesùs 1:3

Ghâsènì e kɔʼsə Fèzhə̀, ə Pɨ̀a Pɛ̂pɛ ə̀ ghâsènì Njisə̀s Klâys. Fə pɔsê ghâsènì ə sezuʼ è fɨa e chûŋ vekɨ̂m vɛ ə ve nyi ekwùtwəyn tɔynə̂ ə Klâys.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Njə̂m 2:18

Pîza wùə vîvè kàʼa è pi nə, “Ò nyîə kyi èkyî epomə̂zè, m kyi èfɨaʼ.” M pîə nə ò tyəyn kyî epomə̂ zɛze sê mi zɛ ə ze kyi va fɨ̂aʼzè, m tyəyn fɨ̂aʼ zɨm zɛ ə m nə̂ tɔynə̂ ə mì ekyî epomə̂zè.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.