Ŋwàʼlè ə̀ Pɔ̂l sê ghɨə Lûmghè 4:3 - Ŋwàʼlè ə̀ Fèzhə̀ Mkâyn Mə̂ Fèm

³ Ŋwàʼlè ə Fezhə̀ pi nə, “Aplàghâm ə tə pomə̂ Zhə̀fè, kûmə̀ èpomə̂ ə vəynze, Zhə̀fè ə njìə vəyn kə wùə chichi ə və shi.”

Ŋwàʼlè ə̀ Pɔ̂l sê ghɨə Lûmghè 4:3 ပူးပေါင်းရင်းမြစ်များ

Matyò 20:9

È və ndàʼà əghɨ ghɛ ghe tè zhə̀te fɨ̂aʼà ə tezhwi tetâyn ezhwikwɨlə èkɛ ə fetuʼe.

Ŋwàʼlè ə̀ Mâk 12:10

Ghàyn pâʼà tyə̂m tɔŋɔ ghɛ zɨ̂nə̀ ə Ŋwàʼlè ə̀ Fèzhə̀ nə: ‘Chi zɛ ə ghɨfɨaʼa tè tə ə kɛsê sə echi epòlə̀ ə ndɛze.

Ŋwàʼlè ə̀ Pɔ̂l sê ghɨə Lûmghè 10:11

Ŋwàʼlè ə̀ Fèzhə̀ pi nə, “Nâʼàpî ndè vɛ ə è pomə sê vəyn tə kwɨlə̂ va è gho ə zomghe.”

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Ŋwàʼlè ə̀ Pɔ̂l sê ghɨə Lûmghè 4:5

Pîza ə wùə tàʼa fɨ̂aʼ ə ndə̀mə̀ ə və təm nə, kə zhi pomə Zhə̀fè, nə zɛ mə tə nə̂ ə zhi ə nyi chichi ə Zhə̀fè əshi, ə Zhə̀ fɛ ə fe nə̂ nə ghɨ pighe ə nyi chichi ə və shi, È nə̀ njiə vəyn kə wùə vɛ ə è nyi chichi ə Zhə̀fè əshi kûmə̀ nə è və pomə̂ vəyn.

Ŋwàʼlè ə̀ Pɔ̂l sê ghɨə Lûmghè 4:9

E za tyə̀ nə ghɨ ghɛ ə nyi mə ə se nam ə ghənə̂ghè nyì ke ghɛ ə ghe tə kyiə pɔsê nə zɨ̂yn ə Ndàfît pìə mə ghɛ ə nyi ndɔ̀ʼɔ se nam ə ghənə̂ghè tə kyîə kəpî ndò pɔsê ətəynze ə? Ghâsènì nyi mə ə kàynè pi nə ŋwàʼlè ə̀ Fèzhə̀ pi nə, “Aplàghâm ə tə pomə̂ Zhə̀fè, Zhə̀fè ə njìə vəyn kə wùə chichi ə vəyn əshi”

Ŋwàʼlè ə̀ Pɔ̂l sê ghɨə Lûmghè 9:17

Ə nyàʼ ə ŋwàʼlè ə̀ Fèzhə̀ nə Zhə̀fè tè pì sê fɔ̀yn Felò nə, “M tè ndəm ghô sə fɔ̀yn, kə m kaʼa m nji ghô ə m tyəyn tyaʼ kɨmke ətəyn è kɨsè nə zə zɨme kwi nga mbi èkɨ̂m.”

Njə̂m 2:23

Ze tè kyàyn nyi ə lwiynsə kə eluʼ ə Ŋwàʼlè ə̀ Fèzhə̀ vɛ ə ve tè pi nə, “Aplàghâm ə tə pomə̂ sê Zhə̀fè, fe ə njiə vəyn sə wùə chichi,” ə fɨnə tɔŋtə vəyn nə sô vəyn.

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”