Ŋwàʼlè ə̀ Pɔ̂l sê ghɨə Lûmghè 4:21 - Ŋwàʼlè ə̀ Fèzhə̀ Mkâyn Mə̂ Fèm

²¹ È tè nyîə fɛte ke ke nâʼà səmɔʼ nə ghɛ zɛ ə Zhə̀fè tsɨ̀nè, Fe nə̀ nə̂ zəynze.

Ŋwàʼlè ə̀ Pɔ̂l sê ghɨə Lûmghè 4:21 ပူးပေါင်းရင်းမြစ်များ

Matyò 19:26

Pîza Njisə̀s ə naynə̂ ghənə ə pìə nə, “Sê wùə m̀sɔ̀ŋ, zɨnə mə vayn kaʼa ze kyayn, pîza ghɛghe əkɨ̂m pɔynə̂ kə nyî sê Zhə̀fè.”

Tom èchùŋ kè kə Lûk tè nyaʼ 1:1

Pɛ̀ apɨəyn Tyofilùs: Tsɨ̀tsɨ̂ se nyi mə ghənə mɔ̀msè sè nyàʼə tsàyn əghɛ ghɛ kə ghe tè kyànə kɔʼɔ ndùə ə ghàs əfètəyn.

Tom èchùŋ kè kə Lûk tè nyaʼ 1:37

E za tyə̀nə̀ nə ghɛe vâyn kàʼa ze ghaʼ Zhə̀fè.”

Tom èchùŋ kè kə Lûk tè nyaʼ 1:45

Ə̀ nyi ke nâʼà esaŋnê sê ghò kə ò pomə nə ghɛghe ə Pɛ̂ Zhə̀fè pì nə ghe kwəyn nâʼà ə̀kɨ̂m.”

Ŋwàʼlè ə̀ Pɔ̂l sê ghɨə Lûmghè 14:4

Ò nyì nâʼà ndè sə̂ saʼa wùə èfɨ̀aʼa ə wùə ə ndò ə? Ə̀ kyi ke Pɛ̀ èfɨaʼ se pì nə ghɛ zɛ ə è nə̀yn pofə ndò, kɨ̀sə ze tsɔ̂fə̀ ndò. Pîza tyaʼa ə Pɛ̂pɛ ke nə̀ tsâmtə̀ wùə èfɨ̀aʼ nə è nəyn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 14:5

Ghɨ mɔ̀ʼɔ kwaʼtə̀ nə tuʼ fîfe kɔʼnə̂ tsɛ ndò fə mɔ̀ʼɔfe, yîghe kwâʼtə̀ nə tuʼmè m̀kɨ̂m nyi ke èghɨ. Nâʼàpî èghɛ èkè zɛ ə wùə kwàʼtè, ə è və ke nə ze kwəyn sê vəyn.

Ŋwàʼlè ə̀ Pɔ̂l sê ghɨə Lûmghè 8:38

M kendô səmɔʼ nə fɨa kyîke vayn chyàsə ghâsènì ekɔ̀ŋ zɛ ə Klâys kyi sê ghâsènì, kɨ̀sə ə nyì pî èkwu kɨ̀sə ə̀ nyi endam, kɨ̀sə ə̀ nyi sètsì kɨ̀sə ə̀ nyi etu ə tendâʼàvè, kɨ̀se ə̀ nyi etwɔʼ ekwùtwəyn. Kɨ̀sə ə̀ nyi ashîŋə̂ kɨ̂ynə̀ ə ghâsènì nyi ətəyn, kɨ̀sə ə̀ nyi kɛ ə ke tə pə̂.

2 Kolìŋ 9:8

Zhə̀fè nyîə kyi àtyaʼ se pɔsə̂ ghàyn è fɨave ve tsɨ̀ə tsɛ̂ vɛ ə ghàyn kyiŋə, kə shîŋə̀ tekɨ̂m, ə ghàyn ə kyi èfɨa èkɨ̂m vɛ ə ghàyn kyiŋə, fɨyn kyi kwəynê sə̂ nə̂ ə̀ghɛ ə chûŋ ghətəyn,

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Ipilù 11:13

Ghɨ nə ghɨnə nâʼà ə̀kɨ̂m tè nyîə kyi èkyî epomə̂zè sê Zhə̀fè se nduə zaʼâ kə ghənə kwu. Ghənə tè paʼà kyi fɨa kɛ ə Zhə̀fè tè tsɨ̀ne pîza, ə̀ tè nyì sə aghaf tsɔ̀fə kə ghɛ zɛ ə Zhə̀fè tè tsɨ̀ne nə ze tə kyaynə̀ kyayn, ghənə tè nyiə ke èghɛ zɛ ə ze nə̀ kyaynə̀ ə pomə̂ zəynze. Ghənə ə tə wàmnè kè nâʼà è cho ghənə̂ghè ə pìə nə ghənə nyi fa chi kə ghɨ etumə è kə ghɨ ghɛ ə chûm ə ghənə endaʼ.

Ipilù 11:19

Aplàghâm ə tə fe nə Zhə̀fè nyiə kyi àtyaʼ se zômsè əghɨ ekwu. Ze tè nyì ke kə ə zomse Azɨ̀k ekwu ə kɛsə fo se pɨ̀a.