Ŋwàʼlè ə̀ Pɔ̂l sê ghɨə Lûmghè 4:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ È tè paʼà mɛnê nə Zhə̀fè nə̀ nə̂ èghɛ zɛ ə fe pî. È və pɨlə pomə ndûə kə Fèzhə̀ èshike, ə fo ètsîtè se Zhə̀fè eghɛ zɛ ə fe tè nyì se nə̀yn.

Ŋwàʼlè ə̀ Pɔ̂l sê ghɨə Lûmghè 4:20 ပူးပေါင်းရင်းမြစ်များ

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 1:18

Sàkàlyâ ə ke pfɨf sê tsì nə zɛ nə, “Ò nə̀ nə̂ nâʼà ghè kə m ke nə ghɛ nə zɨnə mə nyi səmɔʼ ə? Ghâsè zhwi vɨ̂m nyi mə ghàs ə twìyn nâʼà sə ŋaŋ.”

Tom èchùŋ kè kə Lûk tè nyaʼ 1:45

Ə̀ nyi ke nâʼà esaŋnê sê ghò kə ò pomə nə ghɛghe ə Pɛ̂ Zhə̀fè pì nə ghe kwəyn nâʼà ə̀kɨ̂m.”

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

2 Timotì 2:1

Ə̀ ghô ə vayn vɨ̂mvè Timotì, ò tɛ tɔynə̂ afùʼ kɛ ə ghâsènì kyi sə afɨa àmɔ̀ʼ è Klâys Njisə̀s.