Ŋwàʼlè ə̀ Pɔ̂l sê ghɨə Lûmghè 4:2 - Ŋwàʼlè ə̀ Fèzhə̀ Mkâyn Mə̂ Fèm

² Ə̂ nyi mə è tè nyi chichi ə Zhə̀fè shi kûmə̀ ə̀ghɛ ghɛ ə è nə̀yn, ə è və kyi eghɛ zɛ ə è kàʼa è tsɔs ngàŋtèkè ətəyn. Pîza è tè va se kàʼa è kyi ghɛ zhîze se tsɔ̀s angàŋtè ətəyn ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 4:2 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:17

Nyiəmə kə m nyi sə afɨa àmɔ̀ʼ ghasè Njisə̀s Klâys, M kyi ndô ghɛ zɛ ə ze nə̂ nə mə pfɨnə̀ àngàŋtè kûmə̀ èfɨaʼ zɨme sê Zhə̀fè.

1 Kɔlìŋ 1:29

kə wùə ə kyi va ghɛze se ghaŋse ewiyn ətəyn ə Zhə̀fè əshi.

1 Kɔlìŋ 1:31

Ə̀ za nyi eghɛ zɛ ə ze nyi ke èghɨ kə̂ ə nyaʼ ə ŋwàʼlè ə Fezhə̀ nə, “Ə̂ ghaŋsə pîndè wiyn, è ve ghaŋsə̂ kə kûmə̀ èghɛ zɛ ə Pɛ̂pɛ nyi mə È və nə̀yn.”

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

1 Kɔlìŋ 9:16

M kiva sə̂ ghaŋsə ewìyn kûmə̀ kə̂ kə m ndaʼà tom èchùŋ. Nâʼà sə kàyn, ə̀ se nyi efɨaʼ mə ə ndə̀m nə m kyi sə̂ nə̂, mə m tàʼa ndaʼà ə tom èchùŋ ə̀təyn, ə tsôs ekaynə və nyi ə mì ətu!

2 Kolìŋ 11:12

M faŋə ndùə kə nyî sə̂ nə̂ kə èghɛ zɛ m nə̂, kə m nəyn ə ghɨətom ə mɔ̀ʼɔghe ə kyi va ghɛze sə̂ pfɨ̂nə̀ àngàŋtè ətəyn pîə nə ghənə nə̂ kəpi èghɛ zɛ ə ghàs nə̀.

2 Kolìŋ 11:30

Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.

2 Kolìŋ 5:12

Ghàs fɨnə mɔ̂msə̀ va se tsàyn se ghàyn fɨa kɛ ə ghàs nyi kəynke. Pîza ghàs pɨlə kyiŋə nə ghàyn ə kyi eghɛ sə pfɨ̂nə̀ fètwɔ̀ʼ kûmə̀ ghàs, kə ghàyn ə ke sə̂ pə̀ynsə̀ ə̀ghɨ ghɛ ə ghe pfɨnə̀ fètwɔ̀ʼ kûmə̀ əghɛ ghɛ ə fe əghɨ ghe endam, zâmaʼà zɛ ə ze nyi ə ghɨ ətəynghe ətəm.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.