Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwàʼlè ə̀ Pɔ̂l sê ghɨə Lûmghè 4:15 - Ŋwàʼlè ə̀ Fèzhə̀ Mkâyn Mə̂ Fèm

15 Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

အခန်းကိုကြည့်ပါ။ ကော်ပီ




Ŋwàʼlè ə̀ Pɔ̂l sê ghɨə Lûmghè 4:15
26 ပူးပေါင်းရင်းမြစ်များ  

Ə M tè tàʼa pə̀yn se wàmnè sê ghənə kûmə̀ sèpi sə ghənə̂sè mə ze tyə̀nə̀ va nə ghənə ə nə̀yn pi kə ze tyə̂nə̀ zôyn. Ghənə fɨyn kyi va ghɛ zhîze zôyn se pì kûmə̀ sèpi sə ghənə̂sè.


Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”


Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”


Ghɨghe ə mbi ə tə nə̀yn pi tsɔ̀fə kə Zhə̀fè fo lwɔ̂ŋ ə Vəynve sê ghənə. Pîza nâʼàpî ghayn ə lâŋkè va, wùə vîvè vayn kàʼa è pi nə wùə ə kəm lâŋkè.


Fɨl ekwuze nyi pi, pi e kyi kə vəynke nə atyaʼ tɔynə̂ alàŋ.


Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”


Lâŋà tè nyì se gha ghe? Ə tè kwəynse Alâŋ etûə m̀kàyn kə wùə pfɨ̀ə, è və kê nə zhi ə nə̀yn pi. Lâŋkè kyi sə̂ nyi ke ndò se zaʼâ kə ghâŋfə Aplàghâmfè pəyn, ə fɛ ə Zhə̀fè tè nəyn tsɨ̂nè nə zɛ se fəynfe. Ə tè tom setsì è lâŋa ətəynke sê Mosîs nə è tsɛ̀se sê ghɨ.


Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.


Zhə̀fè tə pɔynsə̂ əghɨ ə̀kɨ̂m ghɛ ə ghe nə̂ kyì əghɛ nə ghɨ̂yn. Kyì əghɛ nə ghɨ̂yn nyîə nə̂ Zhə̀fè e nyɔʼsə̀ ètɔŋ, mə è tə pɔynsə̂ ghənə ghɛ ə nə̂ ghəynghe.


Ə̂ nə̀ nâʼàpî ndè pi, ə nyi mə è və pfɨ̀ saʼ kûmə̀ nə è və kəm lâŋ ə Fezhə̀kè, pi nyi ekəm alàŋ ə Fezhə̀zè.


Ghɛ zɛ ə è tè pî tè nyi kə efɛ̂ eghɔ̀ŋze ə è nə̀ njîə se no zhi əghɨ ə tɛ nə atu ə tendaʼàghè. È nə saʼa ghənə nâʼà è tyaʼ eghaʼâkè kəpiə è njìə mbàŋə̀ anyà se saʼ ə ghənə ətəyn. È tə kamə sèpàyn sə vəynse kepî endom vɛ ə kamə lɨ̀m epə ekamə nə mlɨ̀zè. È tə nə̂ zɨnə mə sê Zhə̀fè Pɛ̀ àtyaʼ akɨ̂m vɛ è zafsə̂ ndwɔ̂vè nâʼà sə ŋaŋ kûmə̀ sèpi sə ghənə̂sè.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ