Ŋwàʼlè ə̀ Pɔ̂l sê ghɨə Lûmghè 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Ŋwàʼlè ə̀ Pɔ̂l sê ghɨə Lûmghè 4:11 ပူးပေါင်းရင်းမြစ်များ

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Matyò 8:11

M piə sê ghàyn nə ghɨ etsɨəghe tə fɨə mə ghe ndo kê əte tàŋ tèkɨ̂m ə mbi, ə pəyn tsɨsə̂ elùʼ azhi elùʼ efɔ̀yn ə Fezhə̀vè yighə̀ Aplàghâm, è Azɨ̀k, è Njàkɔ̂p.

Tom èchùŋ kè kə Lûk tè nyaʼ 19:9

Njisə̀s ə piə sê vəyn nə, “Ghɨə ndɛ fâ ə zhi fɨ ndàyn. Ə̀ vɨ̀nə nyi kepî va Aplàghâm.

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 8:33

Ghənə ə pə̀ynsə̀ nə, “Ghàs nyi fe ghâŋfə Aplàghâmfè mə ghàs paʼà tyəm pəyn nyi àkɔs sê wùə vîvè. E tyə̂nə̀ nə ghe kə Ò pì nə, ‹Ə tə zhə̂nə̀ za ghàyn ə?›”

Ŋwàʼlè ə̀ Pɔ̂l sê ghɨə Lûmghè 10:11

Ŋwàʼlè ə̀ Fèzhə̀ pi nə, “Nâʼàpî ndè vɛ ə è pomə sê vəyn tə kwɨlə̂ va è gho ə zomghe.”

Ŋwàʼlè ə̀ Pɔ̂l sê ghɨə Lûmghè 10:4

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 10:6

Pîza, ghɛ zɛ ə ŋwàʼlè ə̀ Fèzhə̀ pì nə wùə kyi sə̂ nyi wùə ə̀ chichi ətəyn ə Zhə̀fè əshi tɔynə̂ epomə̂ nyi nə, “Ò kiva se pfɨfə ə ghò əfètə̂ təm nə, ə̀ tə kɔʼɔ ndè ekwùtwəyn.” (E za tyə̀nə̀ nə, se njìə Klâys ekwùtwəyn se tsosə pə̀ Vəyn ə chi.)

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 3:26

Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.

Ŋwàʼlè ə̀ Pɔ̂l sê ghɨə Lûmghè 3:30

Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s.

Ŋwàʼlè ə̀ Pɔ̂l sê ghɨə Lûmghè 4:10

Ə̀ nyì ashìŋə̀ àkè ə Zhə̀fè tè nji vəyn kə wùə chichi ə? Ə tè nyi mə ə se nam ə vəynghe mə pâʼà se ə? Zɨnə mə tè kyayn mə pâʼà nyìəm se nam ə vəynghe.

Ŋwàʼlè ə̀ Pɔ̂l sê ghɨə Lûmghè 9:30

Ghâsènì kàʼa pi nə ghe zo ə? Ghɨ ghɛ ə ghənə tè vachi ə̀ghɨ Njûsghè pɨle nyi chichi ə Zhə̀fè əshi tɔynə̂ epomə̂ zɛ ə ghənə kyi sê Klâys pi kə ghənə tè so va ndyànə̀m sə nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 9:33

Ə̀ nyàʼ ə ŋwàʼlè ə̀ Fèzhə̀ kûmə̀ èghɛ nə zɛ mə nə, “Ghàyn fe kə, mə ndə̀m chize ə Zayɔ̀n ə zɛ ə ze tə nə̂ ə ghɨ ə tɨmnə̂ ə̀ghol, echi zɛ ə ze tə nə̂ nə ghɨghe ə pfɨ̀lə̀. Pîza nâʼàpî ndè vɛ ə è pomə sê Vəyn tə kwɨlə̂ va è gho ezomghe.”

Ŋwàʼlè ə̀ Pɔ̂l sê ghɨə Lûmghè 9:6

M pìə chiva nə Zhə̀fè paʼà nə̀yn ghɛ zɛ ə Fe tè tsɨ̀ne; kûmə̀ nə ə̀ vachi ə ghɨ ə Isìlâyghè əkɨ̂m ə nyi ə ghɨ ə Fezhə̀ghè.

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ngàleshyà 3:29

Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Ngàleshyà 3:7

Piə ghàyn ə fe zôyn nə ghɔ Aplàghâmə̀ nyi əghɨ ghɛ ə ghe kyi kyî epomə̂zè sê Zhə̀fè?

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ngàleshyà 6:16

Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Etyə̂yn ə paynsêzè 9:4

ə pìə sê səynse nə kə se nə ndəmsê ewə̂yn ə chi, kɨ̀sə afɨa mə ə zho ndô kɨ̀sə fekâʼ. Ə pɨlə pìə nə se ə ndəmsə̂ ə̀ghɨ ghɛ ə ghe kyi va chwìə Fèzhə̀ ə ghənə echo àtu.