Ŋwàʼlè ə̀ Pɔ̂l sê ghɨə Lûmghè 3:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ŋwàʼlè ə̀ Pɔ̂l sê ghɨə Lûmghè 3:9 ပူးပေါင်းရင်းမြစ်များ

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 11:32

Zhə̀fè ə nə̀yn tɛ atu əghɨzè e nyi kə piə ndəm ghənə ə ndɛ̂ ə̀chaʼ, kə è və kyi èsəyn ekoze se ghənə nâʼà ə̀kɨ̂m.

Ŋwàʼlè ə̀ Pɔ̂l sê ghɨə Lûmghè 11:7

Zɨnə mə tyə̂nə̀ nə ghɛ? Ghɨ ə Isìlâyghè tè pâʼà paynsê kyî fɨa kɛ ə ghənə tè kyiŋə se kyî. Ghɨ ghɛ ə Zhə̀fè tè chitê, ə tə kyî fɨa kɛ ə ghənə tè kyiŋə, pîza ghəmɔ̀ʼɔ ghɛ ə tè tàʼa chitê ə tɛsə̂ ə̀təm ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 3:1

Zhəm a chûŋ kyîke nyi ndô se wùə sə nyi wùə Njûs tsɛ̂ wùə vɛ ə̀ va wùə Njûs mə? Sə̂ nyi mə se nam ə ghasènìghe chwîtə̀ va nâʼà ghɛ zhîze.

Ŋwàʼlè ə̀ Pɔ̂l sê ghɨə Lûmghè 3:19

Zôyn ghàs ə fe nə ghɛ ghɛ ə nyi mə ə nyàʼ ə ŋwàʼlè àlâŋ naynə̂ ə̀ghɨ ə̀kɨ̂m ghɛ ə tè fo lwɔ̂ŋ ətəyn sê ghənə. E za tyə̀ nə wùə vîvè vayn kaʼa è ŋaʼse cho ə vəynze se pì nə è və zhi saʼ, kɔ̀ŋə nyi wùə Njûs, kɔ̀ŋə nyi wùə vɛ ə̀ va wùə Njûs. Nâʼàpî ndè tə tyəmə̂ ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 3:5

Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze)

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 7:14

Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

1 Kɔlìŋ 10:19

E za tyə̀nə̀ nə ghɛ zɛ m piə nyi nə fɨ̂aʼsèkè kɨ̀sə ə̀ nyi efɨazhiə vɛ ə fo sê kəynke kwəynə̂ pi ndò eghɛ zhize mə?

1 Kɔlìŋ 14:15

M kaʼa m ghayn nâʼà ghè zo? Ghɛ zɛ ə m kyi se nə̀yn nyi nə m nə̀ nə̂ m mə tsə̂mə̀ ə mìə sezuʼ, pîza tsə̂mə̀ kəpî è tɔf zɨmze, m nə zhəmə ə mì ə sezuʼ, pîza m mə zhəmə kəpi è tɔf zɨmze.

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

Ngàleshyà 3:10

Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Filìpây 1:18

Pîza tsôsvè va! kɨ̀sə wùə tsâ tom ə Klâys mə è kaŋkaŋa nə̂ ndò, kɨ̀sə è tsà səmɔʼ m saŋnə̂ kə ndò kûmə̀ nə tom èchùŋ ə̀ Klâys nyîə zhamə ndùə kə əshi.