Ŋwàʼlè ə̀ Pɔ̂l sê ghɨə Lûmghè 3:4 - Ŋwàʼlè ə̀ Fèzhə̀ Mkâyn Mə̂ Fèm

⁴ E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”

Ŋwàʼlè ə̀ Pɔ̂l sê ghɨə Lûmghè 3:4 ပူးပေါင်းရင်းမြစ်များ

Matyò 11:19

Va wùə ə pə̀, zhiə èfɨazhiəu, mɨə m̀lɨ, ə piə nə è vɛ è zhiə tsɛ̂sə̀, mɨə tsɛ̂sə̀, fɨyn nyi è soyn yî ghɨ ghɛ ə ghe tənə tâksè è ghɨ piə mɔ̀ʼɔ̂! Pîza, Zhə̀fè tyə̀nə̀ nə tɔf eghaʼâ ə vəynze nyi ke nâʼà səmɔʼ tɔynə̂ əghɛ ghɛ ə Fe nə̂ ə ghənə tendam.”

Tom èchùŋ kè kə Lûk tè nyaʼ 20:16

E nyi za, ə è pə̀yn zhwite əghɨ efɨaʼa nə ghɨyn ə è kɛse nji afûʼ ətəynke ə fo sê ghɨə ndô ghè.” Njisə̀s ə mɨ̀sè ngàyn nə zɨ̀yn, ghɨ ghɛ ə zɨtə̂ nyi ə piə nə kə Zhə̀fè tə pomə nə wùə mɔm kyi eghɛ zɛ ə ghɨə efɨaʼa nə ghɛ tè mɔ̀mə̀.

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Ŋwàʼlè ə̀ Pɔ̂l sê ghɨə Lûmghè 11:1

Pfɨf zɨme zôyn nyi nə: Zhə̀fè tè tə ndô ghə vəynghe nə əghɨ mə? E vachi za! Ə mi èngɨŋ zɨ̂mè nyi wùə Isìlây, ə feghâŋ fə Aplàghâmfè, ə wùə ètàŋ ə Penjamə̀ynzè.

Ŋwàʼlè ə̀ Pɔ̂l sê ghɨə Lûmghè 11:11

M pfɨfə kəpî nə, shîŋə̀ kɛ ə ghɨə Njûsghè tè tɨm ghol ə ghənə̂ghè ə pfɨ̀ə, ghənə tè pfɨ̀ faŋ ke ndò mə? E va za nâʼà səkɔs! Ə̀ tè nyi kə ghənə nə̂yn pi, Zhə̀fè ə kwàʼtə̀ ə̀ghɨ ghɛ ə̀ vachi ə̀ghɨ Njûsghè ə fo esɔzaze sê ghənə. Fe tè nəyn nyî kə ghɨ Njûsə̀ kɛse ə ghəʼə̀ ə̀ghɨ ghɛ ə̀ va əghɨ ə Njûsə̀.

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

Ŋwàʼlè ə̀ Pɔ̂l sê ghɨə Lûmghè 6:15

Ghâsènì nə̀ pîə nə ghe zo ə? Kə ghâsènì nyi etyə̂ àfùʼ ə Fezhə̀kè, ghâsènì kyi ndô sə nə̂ nduə kə pi kûmə̀ nə ghâsènì fɨyn va etyə̂ àlâŋ ə? Ngaŋngaŋ e vachi za.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 7:13

Pîza, zɨnə mə tyə̂ ndò nə fɨa kɛ ə ke pɨlə tsɔ̂fə̀ ə pə̀yn mi èkwuze mə? Ngaŋngaŋ, e vachi zamə. Ə̀ vachi àlâŋ ə ke pə̂ mi èkwuze, ə̀ tsɛ pi epàmə̂ àlâŋ, mə ə̀ nyi afɨa ə chûŋkè, ə pə̀ mi ekwuze. Zɨnə mə tè kyayn kə ghɨghe fe kə pi nyi. Nyiəmə, Lâŋ ə Fezhə̀kè ə nə̀yn, pi e chwîtə̀ àtyaʼ ə vəynke nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 7:7

Ghâsènì nə̀ piə nə ghe zo? E tyə̂ nə lâŋkè pofə ndò mə? Ngaŋngaŋ! Lâŋkè pofə chîəva, pîza ə̀ nəyn alâŋ kə m mə ke èghɛ zɛ ə ze nyi eghɛ epize. Ə lâŋkè tè tàʼa pì nə kə wùə ndəm shize ə wùə afɨa, mə m keva nə ze pofə ndò se ndə̀m eshi ə wùə afɨa.

Ŋwàʼlè ə̀ Pɔ̂l sê ghɨə Lûmghè 9:14

Ghâsènì nə̀ pìə nə ghe zôyn ə? E za nyi nə Zhə̀fè tɔ̀ʼə̀ ndò ghɨə mɔ̀ʼɔghe mə? E va za nâʼà səkɔs!

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”

Ngàleshyà 2:17

Pîza ə̀ ghâsènì mɔ̀msə̀ sə̂ nyi chichi ə Zhə̀fè shi mə ghâsènì nyì sə eghɛ èmɔ̀ʼ ghasènyìə ghə̀ Klâys, fɨnə nə̂ pi kèpi kə əghɨ ghɛ ə ghe vachi ə̀ghɨ Njûsghè, ə zə tyə̂nə̀ nə Klâys tɔ̀ʼɔ̀ pi mə? E va za nâʼà səkɔs!

Ngàleshyà 2:21

M vayn kàʼa m kwiynse fùʼ ə Fezhə̀kè. Pîza ə wùə nyi chichi yî Zhə̀fè kûmə̀ kə nə è ndə̀mə̀ Àlâŋ, ə nyi nə Klâys tè kwu ke səndô.”

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.

1 Njɔyn 5:10

Naʼapi ndè vɛ ə è pomə sê Va Fèzhə̀ nyîə ke èghɛ nə zɨ̂nə̀ ə və ətəm. Naʼapi ndè vɛ ə è tàʼa pomə se Va Fèzhə̀ njìə Fèzhə̀ sə wùə àkaŋ kûmə̀ nə è pâʼà pomə ghɛ zɛ ə è pì kûmə̀ Va vəyn.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.