Ŋwàʼlè ə̀ Pɔ̂l sê ghɨə Lûmghè 3:22 - Ŋwàʼlè ə̀ Fèzhə̀ Mkâyn Mə̂ Fèm

²² Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 3:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:22

Pɨ̀a vəyn ə piə kə sê ghɨfɨaʼa ə vəynghe nə ghàyn zaŋse pə̀yn è ndzɨs shise ə se tsɔ̂fə̀ kwənə ə lafsê vəyn ətəyn ə ndəm chaʼfe ə və agho ə tuŋ pfɨse ə və ghòl,

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 15:9

Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.

Ətefɨ̂aʼ 3:16

Wùə vɨ̀nə ə ghàyn fe nyi, fɨyn fɛte ke, ə̀ nyi atyaʼ ezə Njisə̀szè è pomə̂ zɛ ə è kyi ezə təynze, nyi eghɛ zɛ ə ze fo tyaʼa sê kèngɛchi kɨ̀nə̀ ə nə̀ nə è tɛ. Ghàyn ghe fe sə ghàyn ə ngɨŋ.

Ŋwàʼlè ə̀ Pɔ̂l sê ghɨə Lûmghè 1:17

Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”

Ŋwàʼlè ə̀ Pɔ̂l sê ghɨə Lûmghè 10:12

Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.

Ŋwàʼlè ə̀ Pɔ̂l sê ghɨə Lûmghè 10:4

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 3:30

Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s.

Ŋwàʼlè ə̀ Pɔ̂l sê ghɨə Lûmghè 4:16

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 9:30

Ghâsènì kàʼa pi nə ghe zo ə? Ghɨ ghɛ ə ghənə tè vachi ə̀ghɨ Njûsghè pɨle nyi chichi ə Zhə̀fè əshi tɔynə̂ epomə̂ zɛ ə ghənə kyi sê Klâys pi kə ghənə tè so va ndyànə̀m sə nyi chichi ə Zhə̀fè əshi.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 3:12

Epomə̂ ghasènìze è tsɨ̂yntè zɛ ə ghâsènì kyi ghâsènì ghə̀ Klâys ə nə̀yn nə ghâsènì ə nyi mə ə kaʼa piə nduə ndò sê Zhə̀fè mə fânə̀ va fɨa, ke səmɔʼ nə fe nə̀ fiə ghâsènì.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Njə̂m 2:23

Ze tè kyàyn nyi ə lwiynsə kə eluʼ ə Ŋwàʼlè ə̀ Fèzhə̀ vɛ ə ve tè pi nə, “Aplàghâm ə tə pomə̂ sê Zhə̀fè, fe ə njiə vəyn sə wùə chichi,” ə fɨnə tɔŋtə vəyn nə sô vəyn.