Ŋwàʼlè ə̀ Pɔ̂l sê ghɨə Lûmghè 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

Ŋwàʼlè ə̀ Pɔ̂l sê ghɨə Lûmghè 2:8 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 10:16

Pîza, ə̀ vachi əghɨ Isìlâyghè əkɨ̂m ə tè pomə tom èchùŋ ə̀təyn. Fɨ̀aʼtè Èsayà è ngɨŋə̂ vəyn nyi mə è və tə wàmnè kûmə̀ èghɛ nə zɨ̂yn nə, “Pɛ̂pɛ ə̀ zɨ nde tom zâszè ə pomə̂ ə?”

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 9:22

E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

1 Kɔlìŋ 11:16

Pîza nâʼàpî ndè vɛ è kyiŋə se pì nə ghɛ nə zɨnə mə tsɔ̂fə̀ va, ə mə kyi ke se tsàyn se vəyn nə ghàs, pî ndɛ ə̀ Fèzhə̀ fɨyn kyi va ndom vîve sə̂ ngɨmnə̂ ətəyn.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Filìpây 1:17

Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

Taytùs 3:9

Kə ghàyn ə njiə ə tesaʼnê tə angôte, kûmə̀ m̀ghâŋghàŋə̀ mɛ m̀ ndò pə̂ sê pɨ̀a ə ghasènìghe, pî sə̂ saʼnə̂, nô kûmə̀ àlâŋ. Ghɛ ghɨ̀nə kyi va nâʼà eghɛ zhîze se nə̀yn, ə̀ nyi ke ezhwi ashìŋə̀zè.

Ipilù 10:27

Pîza ə wùə ndamə nyî, ə è və kyi ke sə̂ fanə̀ kûmə̀ è saʼ zɛ ə e pə̂, è kɨsè wus etɛ vɛ ə ve tə pofsê pàyn sə Fezhə̀sè!

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

Njə̂m 3:16

Luʼ vɛ ə ghə̀ʼkè è muze nyi ətəyn, nâʼàpî ndè e ndamə kə kə è kɔ̀ŋə̀, kyì əghɛ ə pighe əkɨ̂m e kyânə̀ fu.

1 Pità 3:1

Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?

Etyə̂yn ə paynsêzè 14:10

ə Zhə̀fè tə nə ə Fe ə fɨsə̂ èndwɔ̂ sê ghənə, ə fe fo tsôsvè sê ghənə nâʼà sə ŋaŋ, kè kə mlɨ̂ mə ètɛ ndɔ̀ʼɔ sɔmnə ə Zhə̀fè ndə̀m ə wà ə fo nə ghənə mɨ. Zhə̀fè tə nyâplə̀ ghənə è wusve, è fɨa kyîke ke lɛ̂ pâŋə̀ fuə mə ə tɔŋtə̂ nə sɔlfɔ̀ ə tsì sə eŋwaʼase əshi, è kɨsè ə Vâ ndzè əshi.

Etyə̂yn ə paynsêzè 16:19

Ə chyâtə̀ tɔ̂ŋ èghaʼâ ghaʼâ pɨ̂as vetwɔ, ə pofsə̂ sètɔ̂ŋ sə eghaʼâsè ə tendaʼ tə mbite nâʼà sèkɨ̂m. Zhə̀fè tè paʼà lèsè Papilɔ̀yn, nyiəmə, è te nyiə nyɔʼsə̀ ètɔŋ sê ghənə nâʼà sə ŋaŋ ə nə̀ nə ghənə mɨ wà m̀lɨ̀ mə ə ndə̀m ndim ətəyn mə za nyi epɔynsê ə vəyn sê ghənə.