Ŋwàʼlè ə̀ Pɔ̂l sê ghɨə Lûmghè 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 2:7 ပူးပေါင်းရင်းမြစ်များ

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Njɔyn 4:36

Zôyn ə ndaʼà ndò wùə vɛ ə è kwìə fɨazhiə ətəynve, è zûŋtə̀ èfɨazhiə təynve sê ndam zɛ ə ze tə mîə va. Kə wùə vɛ ə è zho è vɛ ə è kwìə fɨazhiə ətəyn tə pə̂ ə tsɨyntə̀ saŋnə̂.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Ŋwàʼlè ə̀ Pɔ̂l sê ghɨə Lûmghè 2:10

Pîza ghàyn e ke nə Zhə̀fè tə tɔʼə̀ va wùə vîvè, maʼtə̀ nâʼàpî ndè endom əghɛ Sezuʼ se Ŋwaʼase vɛ ə è nə̀ ghɛ ə chûŋghè. È tə nə̂ zɨnə mə sê ghɨ Njûsghè kûmə̀ nə Zhə̀fè ə tə chɔʼ ghənə nə ə nyi kàyntè ə̀ghɨ ə Vəynghe, pîza ə È nəyn kepî se ghɨ ghɛ ə va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

1 Kɔlìŋ 15:42

Ə̀ nyi zamə kə ze tə nə̂ ə zə nyi ezhoghɛ ghɨ zômə̀. Wiyn vɛ ə pfɨ̀mə̀ tə fîə, ə vɛ ə ve zòmə̀ tàʼa fɨnə fì.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

Ngàleshyà 6:9

Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

2 Timotì 1:10

Pîza ə tyə̀yn paynsê se ghâsènì tɔynə̂ e pə̀yn ə Sɔ̀zàzè, mə za nyi Klâys Njisə̀s. È və nə̀yn kwuze e fɨyn kyi va tyaʼke ə ghâsènì ətu tɔynə̂ ə tom èchùŋ, ə nə̀ nə ghâsènì kyi ndam zɛ ə ze tə mîə va.

Ipilù 2:7

Ò tè pom vəyn ə nə̀ vəyn nə è və kyi va tyaʼke kɔʼɔ zaʼâ sètsì sɛse, epàm ətəyn o fo vəyn è pomsêzè ə nə̀ nə ghɨghe ə kɔʼsə̂ vəyn.

Ipilù 6:12

Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.