Ŋwàʼlè ə̀ Pɔ̂l sê ghɨə Lûmghè 2:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kûmə̀ nə Zhə̀fè tə maʼtə̀ nâʼàpî ndè kè kə è nyi mə è və fɨ̂aʼ zaʼâ.

Ŋwàʼlè ə̀ Pɔ̂l sê ghɨə Lûmghè 2:6 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Ŋwàʼlè ə̀ Pɔ̂l sê ghɨə Lûmghè 14:22

Nâʼàpî èghɛ èkè zɛ ə ghàyn pomə kûmə̀ ə̀ghɛ nə ghɨ̂yn, ə̀ ke ke ghàyn, ghâynghə̀ Zhə̀fè. Saŋnêzè nyì sê ghɨ ghɛ ə ghe kwaʼtə̀ va nə ə nə̀yn pofsê shîŋə̀ kɛ ə ghənə nə̂yn ghɛ zɛ ə ke nə ze nyi achûŋ!

1 Kɔlìŋ 3:8

Wùə vɛ è zho è wùə vɛ e sɨ̀s môm nyi ke èghɨ, nâʼàpî ndè e nyi se tə kyiə emaʼtə vəynve kè kə̂ è tè fɨ̀aʼa.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 11:15

E za tyə̀nə̀ nə ghàyn kyi va sə̂ nyi è kayn nə ghɨ e fɨaʼa ə Satàynghè nyîə pɔŋɔ kaŋa tyə̂nə̀ nə ghənə nyi əghɨ ghɛ ə nə̂ ghɛ zɛ ə ze kwəynə ə Zhə̀fè əshi. Tsôs vɛ ə Zhə̀fè tə fo sê ghənə əkwùŋse tə kwəynə se fɨ̂aʼà ə ghənə nə zɨ̂yn.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

2 Timotì 4:14

Àlɛ̀ksandà vɛ ə è tsɨə ndâmkè za, ə tə mɔ̀m ghɛze sê mi, ze kwûəmə̀ kə nyî. Pɛ̂pɛ nə fo ngəʼ sê vəyn kûmə̀ èghɛ nə zɨ̂yn.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.

Etyə̂yn ə paynsêzè 20:12

Mə fɨnə fe əghɨ mə ə tə kwutê, yîghe nyi əghɨ ə ghaʼlə̂ghè, yîghe nyi əghɨ ə tətə̂ghè, ghənə e tyəm fu ashi fekyə̀ fə efɔ̀ynfè. Ə ŋaʼsə̂ se ŋwàʼlè ə fɨnə ŋaʼsə̂ ŋwàʼlè zhîzè, ə nyi ŋwàʼlè ə̀ghɨ ə ndaməghe, e sè naynə̂ sè ŋwàʼlè sətəynse, saʼa kə ghənə əghɛ ghɛ ə ghənə tè nə̂ kè kə tè nyàʼ fumə ə seŋwàʼlè.

Etyə̂yn ə paynsêzè 22:12

Njisə̀s ə pìə nə, “Ghàyn zɨte, m kwûʼə̀ pə̂ kə zôyn! Ə m piə m pə̂ ndò, ə m pəyn èmaʼte zɨmze əgho, ə m maʼte nâʼàpî ndè kè eghɛ zɛ ə è nyi mə è və nə̀yn.