Ŋwàʼlè ə̀ Pɔ̂l sê ghɨə Lûmghè 2:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

Ŋwàʼlè ə̀ Pɔ̂l sê ghɨə Lûmghè 2:5 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 9:22

E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

2 Tèsàlonikà 1:5

Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.

Ipilù 3:13

Ghàyn e pɨlə tsâmtə̀ sèngɨŋ saynse tuʼmè m̀kɨ̂m kè kə ghàs pa zɨə ‘Ndâyn’ è wâmnə̀ sê ghàs kè kə ə nyâʼ ə ŋwàʼlè ə̀ Fèzhə̀, kə ndɔ̀ʼɔ pi tə lɛsê wùə sê ghàyn, ə ghàyn ə tɛ e tuke.

Ipilù 3:15

E nyi ke kə ə nyâʼ ə Ŋwàʼlè ə̀ Fèzhə̀ nə: “Ə ghàyn zɨ kyə̀ Fèzhə̀ ndàyn, kə ghàyn tɛ è tuke kə pɨ̀a ghaynghe tè tɛ se mi kə ghənə tè nyi elùʼ ashəshəve.”

Ipilù 4:7

Kûmə̀ zɨnə mə, Zhə̀fè ə ndə̀m tuʼfə mɔ̀ʼɔfe, e tɔŋtə̂ nə, “Ndâyn.” Ə pə̀ kə pìŋ se tsɨə tsɛ̂, è və wàmnə̀ zɨnə mə tɔynə̂ ə Ndàfît kûmə̀ eluʼ vɛ ə ghâsènì nyi mə ə kâynè wàmnè ə ŋwàʼlè ə̀ Fèzhə̀ nə, “Ə ghàyn zɨ kyə̀ Fèzhə̀ ndàyn, kə ghàyn tɛ è tuke.”

Njə̂m 5:3

Kɛ mâyn mɛ ə ghàyn fɛte ə ngôl è silvà tə chîa. Ghaʼ nə zɨnə tə tyəmə̂ kə tsɛ̀ èsaʼ se ghàyn ə fetuʼ fə saʼfe, kè kə fɨake chya ke ə pofə, è kə wusve pofsə fɨave, ə̀ nyì kepî zamə kə Zhə̀fè tə pɔynsə ghàyn. Ghàyn ə zomə̂ ndəm kɛ̂mè sə ndô mə shîŋə̀kè ə tɨmsê kə Zhə̀fè saʼ mbi.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

Etyə̂yn ə paynsêzè 2:21

Mə tè fo shîŋə̀kè nə è kwiyne təm ə vəynghe ə è za pisə vəynse pîza è ve è kwiynse.

Etyə̂yn ə paynsêzè 6:17

E nyi səmɔʼ nə tuʼfe kwəmnə fɛ kə ghənə tyəyn tɔŋ e zafəve ətəyn ə kwəyn, mə nâʼà wùə èmɔ̀ʼ vayn kàʼa è ndo tə.”