Ŋwàʼlè ə̀ Pɔ̂l sê ghɨə Lûmghè 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ghàyn ghaŋsə̂ èwiyn nə ghàyn kyi alâŋ ə Mosîskè, pîza ghàyn ghɛ ə pə̂yn èghomə̂zè sê Zhə̀fè mə ghàyn kəmə àlâŋ ə Vəynke ə?

Ŋwàʼlè ə̀ Pɔ̂l sê ghɨə Lûmghè 2:23 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Njɔyn 5:45

Kə ghàyn nə kwaʼtə̀ nə ə̀ nyi Mi vɛ ə M tə ghâmə̀ ghàyn sê Pɨ̀a Vɨ̂mvè nə ghàyn tè pâʼà fi Mi. Mosîs, ə vɛ ghàyn ndə̀m kwaʼtè zaynze ə vəyn ewìyn nyi vɛ ə è tə lotə pîə nə ghàyn nə̀ pofsə̂ ndò.

Ŋwàʼlè ə̀ Pɔ̂l sê ghɨə Lûmghè 2:17

Zôyn ghàyn ghɛ ə ghàyn tɔŋtə ngɨŋ saynse nə əghɨ ə Njûsə̀, ghàyn ə ndə̀m təm ghaynghe ətə àlâŋ ə Mosîskè, tsɔsə̀ angàŋtè nə Zhə̀fè nyi Fezhə̀ faynfe.

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

Ŋwàʼlè ə̀ Pɔ̂l sê ghɨə Lûmghè 3:27

Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.