Ŋwàʼlè ə̀ Pɔ̂l sê ghɨə Lûmghè 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghàyn e njîə sèngɨŋ saynse kə əghɨ ghɛ ə fo chwîtè sê ngôve. Fɨnə njîə sèngɨŋ saynse kə əghɨ ghɛ ə ghe zaʼlə ghɨ ghɛ ə keva ghɛ zhîze. Ghàyn njìə sengɨŋ saynse nyiəmə kûmə̀ nə ghàyn kwaʼtə̀ nə kə ghàyn tɔ̀ʼ ke chi èlwɔ̂ŋ ə Fezhə̀vè achûŋ, ghàyn ke ndô ghɛghe əkɨ̂m, ke ghɛ ə ghe nyi səmɔʼ.

Ŋwàʼlè ə̀ Pɔ̂l sê ghɨə Lûmghè 2:20 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Ŋwàʼlè ə̀ Pɔ̂l sê ghɨə Lûmghè 2:19

Ghàyn nyîə ke nə ghàyn nyi əghɨ ghɛ ə tyə̂nə̀ ndom sê ghɨə fofəghe kə ghənə keva Zhə̀fè, ke kepî nə ghàyn nyi epayn sê ghɨ ghɛ ə ghe nyi əfètə̂ àlɨm.

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

1 Kɔlìŋ 3:1

M tè vayn kaʼa mə wàmnə̀ sê ghàyn ə ghɔnyì ghɨmə kə̂ m wàmnə̀ sê ghɨ ghɛ ə ghe kyi Zuʼse ə Fezhə̀sè. Pîza m tè pɨl wâmnè sê ghàyn kəpiə ghàyn nyi əghɨ ə mbighe, kə ghɨ ghɛ ə ghe pa nyi m̀mîətə̀ ə ghənə epomə̂ sê Klâys.

2 Timotì 1:13

Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Ipilù 5:13

Naʼapi ndè vɛ ə è pa nyɔŋɔ kə yiyn nyi vayn èpɔ, vayn kàʼa fe kê sənɨŋ eghɛ zɛ ə ze nyi achûŋ, è zɛ ə ze va achûŋ.

Njə̂m 3:1

Ghɔnyì ghɨmə, kə ghàyn əkɨ̂m ə no sə̂ nyi sètyəynsè, kûmə̀ nə ghàyn ke ndô nə Zhə̀fè tə njîə ashîŋə̀ tsɨəke se saʼa ghâsènì ghɛ ə zaʼlə tsɨ̂ə tsɛ̂ kə è tə saʼa ghɨə mɔ̀ʼɔghe.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.