Ŋwàʼlè ə̀ Pɔ̂l sê ghɨə Lûmghè 2:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Zôyn ghàyn ghɛ ə ghàyn tɔŋtə ngɨŋ saynse nə əghɨ ə Njûsə̀, ghàyn ə ndə̀m təm ghaynghe ətə àlâŋ ə Mosîskè, tsɔsə̀ angàŋtè nə Zhə̀fè nyi Fezhə̀ faynfe.

Ŋwàʼlè ə̀ Pɔ̂l sê ghɨə Lûmghè 2:17 ပူးပေါင်းရင်းမြစ်များ

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Tom èchùŋ kè kə Lûk tè nyaʼ 10:28

Njisə̀s ə piə sê vəyn nə, “Ò fɨ̀ysè ke nâʼà àchûŋ. Ndùə ə ò nə̂ kə zâ, kə ò tə kyi endam zɛ ə ze tə mîə va.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 5:45

Kə ghàyn nə kwaʼtə̀ nə ə̀ nyi Mi vɛ ə M tə ghâmə̀ ghàyn sê Pɨ̀a Vɨ̂mvè nə ghàyn tè pâʼà fi Mi. Mosîs, ə vɛ ghàyn ndə̀m kwaʼtè zaynze ə vəyn ewìyn nyi vɛ ə è tə lotə pîə nə ghàyn nə̀ pofsə̂ ndò.

Njɔyn 7:19

Mosîs ə tə fo Lâŋkè sê ghàyn, mə è tè paʼà fo? Pîza kè nâʼà wùə èmɔ̀ʼ ə ghàyn əfètəyn ə tàʼa ndə̀m ə kəynke. Kûmə̀ ghè ə ghàyn mɔ̀msə̀ se zhwiə mi ə?”

Njɔyn 8:33

Ghənə ə pə̀ynsə̀ nə, “Ghàs nyi fe ghâŋfə Aplàghâmfè mə ghàs paʼà tyəm pəyn nyi àkɔs sê wùə vîvè. E tyə̂nə̀ nə ghe kə Ò pì nə, ‹Ə tə zhə̂nə̀ za ghàyn ə?›”

Njɔyn 8:41

Ghàyn nə̂ kə ə̀ghɛ ghɛ ə pɨ̀a vayn nə̂.” Ghənə ə pə̀ynsə̀ nə, “Zhə̀fè È ngɨŋə̂ Vəyn nyi ke Pɨ̀a vɛ ə ghàs kyi, ghàs e nyi ə̀ghɔ Vəynghe səmɔʼ.”

Ŋwàʼlè ə̀ Pɔ̂l sê ghɨə Lûmghè 2:23

Ghàyn ghaŋsə̂ èwiyn nə ghàyn kyi alâŋ ə Mosîskè, pîza ghàyn ghɛ ə pə̂yn èghomə̂zè sê Zhə̀fè mə ghàyn kəmə àlâŋ ə Vəynke ə?

Ŋwàʼlè ə̀ Pɔ̂l sê ghɨə Lûmghè 3:27

Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs.

Ŋwàʼlè ə̀ Pɔ̂l sê ghɨə Lûmghè 9:32

Ghənə tè vayn kàʼa chumte kûmə̀ ghè? Ghənə tè vayn kàʼa chumte kûmə̀ nə ghənə tè so m̀ndyàyn sə̂ nyi chichi ə Zhə̀fè əshi kûmə̀ èfɨaʼ zɛ ə ghənə tè nə̂, ə̀ vachi kûmə̀ epomə̂ zɛ ə ghənə tè kyi sê Zhə̀fè. Ghənə tè tɨm aghol ə ghənə̂kè ətə̂ èchi zɛ ə ghɨ tè tɨmə gholghe ətəyn, ə pfɨ̀ə əchi.

2 Kolìŋ 11:22

Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.

Ngàleshyà 2:15

“Ghâsènì èngɨŋ sə ghasènìse nyi əghɨ Njûsə̀ kè nâʼà epîə, vachi ə̀ghɨ ghɛ ə va əghɨ ə Njûsə̀ mə nyi əghɨ ə pighe,

Ɛfesùs 2:11

Ghàyn ghɨ ghɛ ə̀ vachi ə̀ghɨ ə Njûsghè, kə ghàyn lɛse ghɨ ghɛ ə ghe tè nyì sə shi. Ghàyn nyi əghɨ ghɛ ə̀ vachi ə̀ghɨ Njûsghè epîə, ghɨə Njûsə̀ tɔŋtə̂ ghàyn nə, “Ghɨ ghɛ ə tàʼa se ənam əghənə̂ghè,” tɔŋtə̂ sèngɨŋ sə ghənə̂sè nə, ghɨ ghɛ ə nyi mə ə se namə ghənə̂ghè. Ghənə tɔŋtə̂ nyi pîza namə nyi nyî, ə̀ se va Zhə̀fè, ə̀ se ə̀ghɨ è gho.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.

Etyə̂yn ə paynsêzè 3:1

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sandìs nə: ‘Wùə vɛ ə è kyi tyaʼke etûə mlɨ̂ mə Fèzhə̀mè èsɛ̀mbɛ è kɨsè vɛ ə è kyi lìmè èsɛ̀mbɛ pi nə, M nyiə ke èghɛ zɛ ə ò nyi mə o nə̀yn. Ò kyàʼà kə ò nyîə ndamə pîza mə o kwu.

Etyə̂yn ə paynsêzè 3:9

Ke nə m nə̀ nə̂ ə ghɨ anɔ̀yn ə Satàyn kɛ ə ke wamə pìə nə ghənə nyi əghɨ Njûsə̀, pəyn ə ngwuʼte ə ghò əshi ə pi ə ndayn nə mə tə kɔ̀ŋ ghò.