Ŋwàʼlè ə̀ Pɔ̂l sê ghɨə Lûmghè 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza ghàyn e ke nə Zhə̀fè tə tɔʼə̀ va wùə vîvè, maʼtə̀ nâʼàpî ndè endom əghɛ Sezuʼ se Ŋwaʼase vɛ ə è nə̀ ghɛ ə chûŋghè. È tə nə̂ zɨnə mə sê ghɨ Njûsghè kûmə̀ nə Zhə̀fè ə tə chɔʼ ghənə nə ə nyi kàyntè ə̀ghɨ ə Vəynghe, pîza ə È nəyn kepî se ghɨ ghɛ ə va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 2:10 ပူးပေါင်းရင်းမြစ်များ

Matyò 10:13

Ə ghɨ ndɛ ətəynghe fi ndzɨse ghàyn achûŋ, ə tɔŋtê zaynze ə pɔ̂ynzè faŋ sê ghənə; pîza ə ghənə taʼa fiə ndzɨsə ghàyn achûŋ, ə tɔŋtê zayn zə pɔ̂ynèzè kɛse pəyn sê ghàyn.

Tom èchùŋ kè kə Lûk tè nyaʼ 1:79

È kyiŋə se nə fo epayn sê ghɨ ghɛ ə ghe tsɨs ə fɨtə̂ àlɨm, nyɨ̂ŋsè ekwuke e paʼsə̂ sê ghənə, se fɨnə tyəyn endom epɔynəve sê ghâsènì.”

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Tom èchùŋ kè kə Lûk tè nyaʼ 19:42

ə piə nə, “Ə fo ndè ghàyn, ghɨə Njèlusalɛ̀mə̀ ə ke eghɛ zɛ ə ze pə̀ è pɔ̂ynè ndàyn ə, zôyn nyi mə ghàyn vâyn kàʼa ə ghàyn fe!

Tom èchùŋ kè kə Lûk tè nyaʼ 22:14

Shiŋə kə kwəynə, Njisə̀s e sè zhiə yî ghɨətom ə vəyn ghe

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 2:9

Pîza se ghɨ ghɛ ə ghe nə̂ chùŋ, Zhə̀fè tə fo ghənə è pɔmsêzè, è kɔʼsêzè, è pɔ̂ynè mə È zhə̀te pə̂yn eghɨ Njûsghè sə shi se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 8:6

Ə wùə ndə̀m təm ə vəynghe əghɛ ə senjà se wìynse, ə è tə kwu. Pîza ə wùə ndə̀m təm ə vəynghe ətə ə̀ghɛ ə sezuʼ sə Fezhə̀sè, ə è tə kyî èndam zɛ ə ze tə mîə va è kɨsè pɔ̂ynè.

Ŋwàʼlè ə̀ Pɔ̂l sê ghɨə Lûmghè 9:21

Piə wùə vɛ ə è pomə tɔ̀ynsè kɔ̀ŋ ə è nji toʼ èchaʼ ə è momte, ə è chyase ə è pom tɔ̀yn sepɛ̀ ətəyn, ə emɔ̀ʼ ə nyi mə ə kwə̂ynə̂ ətəyn shîŋə̀ kɛ ə ghɛ eghaʼè nyi, zə mɔ̀ʼɔ e nyi mə ə kwəynə̂ ətəyn nâʼàpî ashìŋə̀ àkè.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

Ipilù 2:7

Ò tè pom vəyn ə nə̀ vəyn nə è və kyi va tyaʼke kɔʼɔ zaʼâ sètsì sɛse, epàm ətəyn o fo vəyn è pomsêzè ə nə̀ nə ghɨghe ə kɔʼsə̂ vəyn.

Njə̂m 2:22

E za tyə̀nə̀ nə kyî epomə̂ ə vəynze è fɨ̂aʼ ə vəynze tè nyi ke sə afɨa àmɔ̀ʼ. Ə̀ tè nəyn efɨ̂aʼ ə vəyn nə kyî epomə̂ ə vəynze kwəyne.

Njə̂m 3:13

Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.