Ŋwàʼlè ə̀ Pɔ̂l sê ghɨə Lûmghè 16:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ŋwàʼlè ə̀ Pɔ̂l sê ghɨə Lûmghè 16:7 ပူးပေါင်းရင်းမြစ်များ

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Ŋwàʼlè ə̀ Pɔ̂l sê ghɨə Lûmghè 16:10

Ghàyn tɔŋte Apelàs, ə vɛ ə tsɨnè ə̀ vəyn ze chùŋ tyə̀ nə è nyi chichi sê Klâys. Ghàyn tɔŋte kepî ə̀ghɨ esas ə ndɛ Alistopùlùsghè sê mi.

Ŋwàʼlè ə̀ Pɔ̂l sê ghɨə Lûmghè 16:11

Ghàyn tɔŋte Ɛ̀londiyòn, ə wùə èndaʼ vâsvè ndaʼ ə Njûszè, è ghɨ esas ə ndɛ Nàsisùs ghɛ ə ghənə nyi mə pomə̂ se Klâys. Ghàyn tɔŋte ghənə sê mi ə Pɛ̂pɛ ezə.

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

Ŋwàʼlè ə̀ Pɔ̂l sê ghɨə Lûmghè 16:3

Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ŋwàʼlè ə̀ Pɔ̂l sê ghɨə Lûmghè 16:6

Ghàyn tɔŋte Mèli vɛ ə è tè fɨ̂aʼ nâʼà è tyaʼke ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 16:8

Ghàyn tɔŋte Àmbìlatùs sê mi, ə soyn vɨmve chùŋ əfètə̂ ghɨ̀ ə Pɛ̂pɛghe.

Ŋwàʼlè ə̀ Pɔ̂l sê ghɨə Lûmghè 16:9

Ghàyn tɔŋte Òpanùs, vɛ ə ghasènyìə ghə̀ ghənə fɨ̂aʼà sê Klâys. Ghàyn tɔŋte kepî soyn vɨ̂mve chùŋ Sɨ̀takìs.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 9:3

kûmə̀ ə̀ghɨ ghɨmə, ghɛ ə ghasè ghə̀ ghənə fɨ ndaʼze emɔ̀ʼ. Kûmə̀ ghənə, m fə nyiə kyiŋə nə Zhə̀fè lɔʼ mi, ə È nəyn m mə va ghasè Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 11:23

Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

2 Kolìŋ 12:2

M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 1:22

Ə tè nyì fumə ashìŋə̀, ghɨ poməghe ə Njòndyâ e nyi mə ə paʼà nyìəm fe mi.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ngàleshyà 2:6

Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Filemùyn 1:23

Èpafalàs ə pì nə m tɔŋte sê ghò. È nyì ə ndɛ̂ chaʼ ghasè vəyn kûmə̀ nə è ndàʼa tom èchùŋ kûmə̀ Klâys Njisə̀s.

1 Njɔyn 4:13

Ghâsènì nyiə ke nə ghâsènì ndamə sə afɨa àmɔ̀ʼ è Zhə̀fè, è kɨsè nə Zhə̀fè ndamə sə afɨa àmɔ̀ʼ è ghâsènì, kûmə̀ nə È və fo Zuʼ sə Vəynse sê ghâsènì.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.