Ŋwàʼlè ə̀ Pɔ̂l sê ghɨə Lûmghè 16:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M fo àzɔ̀ŋnè se ghənə kə ghənə tè pomə se kwu ə mì ətu, ə va ke mi ə m fo zɔ̀ŋnèkè sê ghənə, pîza ndɛ sə Fezhə̀ sə ghɨ̀ ghɛ ə̀ va əghɨ ə Njûsghè fo kəpî ndò zɔ̀ŋnèkè sê ghənə.

Ŋwàʼlè ə̀ Pɔ̂l sê ghɨə Lûmghè 16:4 ပူးပေါင်းရင်းမြစ်များ

Njɔyn 15:13

Kɔ̂ŋ engaŋtə zɛ ə ghàyn kàʼa kyi sê soyn saynse nyi nə ghàyn kwu ə ghənə elùʼ.

Ətefɨ̂aʼ 15:26

Ghənə nyi mə ə ndə̀m ndam ə ghənə̂zè nə ə̂ kyànə̀ pə̂ pi ghè, ə ghənə ə nə̂ kə èfɨaʼ ə Pɛ̂pɛ Njisə̀s Klâyszè.

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 16:5

Ndɛ ə̀ Fèzhə̀ ə ke tɛ nduə kə èshike epomə̂, tsɨ̂ə ndûə kəpi èshike tuʼmè m̀kɨ̂m.

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ŋwàʼlè ə̀ Pɔ̂l sê ghɨə Lûmghè 16:3

Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ŋwàʼlè ə̀ Pɔ̂l sê ghɨə Lûmghè 16:5

Ghàyn tɔŋte kepî ə̀ghɨ pomə ghɛ ə ghe tsɨ̂yntə̀ ə ghənə ndɛ. Ghàyn tɔŋte Epaènetùs, ə soyn vɨ̂mve chùŋ vɛ, ə è tè nyi wùə shi se pomə̂ ə Klâys ə apàs endaʼ ə Esiyàkè.

Ŋwàʼlè ə̀ Pɔ̂l sê ghɨə Lûmghè 5:7

E nyiə tɛ se wùə se kwu ə wùə chichi elùʼ. Shîŋə̀ kyîke, wùə kaʼa è pomə se kwu ə wùə chichi elùʼ.

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 7:17

Ezho ghɛ ə ze va zamə, ə nâʼàpî ndè ndam ke atyaʼ kɛ ə Pɛ̂pɛ fo nə è ndam ətəyn, fɨnə ndamə kè endom vɛ ə è tè nyi əfetuʼ fɛ Zhə̀fè tè tɔŋə vəyn. Ə̀ za nyi eghɛ zɛ ə m zaʼlə sê ndɛ sə Fezhə̀ sekɨ̂m.

Filìpây 2:30

Ghâsènì kyi sə̂ kɔʼsə̂ vəyn kûmə̀ nə è və tə fo ngɨŋ ə̀ vəyn èkɨ̂m se fɨ̂aʼ se Klâys ə ndɛtə̂ se kwu. È və tə nə̀yn ghɛghe mə è tè kyi va se nə̀yn, se tsàmtə mi se nə̀yn efɨaʼ zɛ ə ghàyn tè vayn kàʼa nəyn.

1 Tèsàlonikà 2:14

Ghɔnyiə, ghɛ zɛ ə ze tè tyə̀nə nə tom ə̀ Fèzhə̀ ə zhə̀tè se fɨ̂aʼ ə ghàyn ə fètəyn tè nyi nə, ghɛ ghɛ ghe tè kyàyn sê nɔ̂yn ə ghɨ kɛ ə ke pomə sê Klâys Njisə̀s ə Njòndyâ ə kyàyn kepî sê ghàyn. Ghɨ endaʼ ghaynghe ə fo ngəʼse sê ghàyn, ə̀ nyi kepî sèngəʼ sɛ ə ghɨ Njûsə̀ tè fo sê ghɨ pomə nə ghɛ,

1 Njɔyn 3:16

Kwu zɛ ə Njisə̀s Klâys tè kwu ə ghâsènì ə tu, tyə̂nə̀ àfɨa kɛ ə kɔ̂ŋzè nyi kəynke sê ghâsènì. Nyiəmə, ghâsènì kyi sə̂ nyi kepî èpɨaʼtêzè se kwu ə ghɔnyì ə ghâsènì ghə tu.

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,