Ŋwàʼlè ə̀ Pɔ̂l sê ghɨə Lûmghè 16:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ŋwàʼlè ə̀ Pɔ̂l sê ghɨə Lûmghè 16:3 ပူးပေါင်းရင်းမြစ်များ

Ətefɨ̂aʼ 18:26

È və zhə̀tə̀ se wàmnè è təm ə tɛ ə ndɛ àtsɨ̂ynte. Ə pə̀ kə Pliskà yî Àkwilà zɨ zaʼlê ə vəynze, ə njìə vəyn yîghə̀ ghənə ə kwɨlə̂, ə fɛtə̂ tsâ tèndom tə Fezhə̀tè sê vəyn.

Ŋwàʼlè ə̀ Pɔ̂l sê ghɨə Lûmghè 16:10

Ghàyn tɔŋte Apelàs, ə vɛ ə tsɨnè ə̀ vəyn ze chùŋ tyə̀ nə è nyi chichi sê Klâys. Ghàyn tɔŋte kepî ə̀ghɨ esas ə ndɛ Alistopùlùsghè sê mi.

Ŋwàʼlè ə̀ Pɔ̂l sê ghɨə Lûmghè 16:4

M fo àzɔ̀ŋnè se ghənə kə ghənə tè pomə se kwu ə mì ətu, ə va ke mi ə m fo zɔ̀ŋnèkè sê ghənə, pîza ndɛ sə Fezhə̀ sə ghɨ̀ ghɛ ə̀ va əghɨ ə Njûsghè fo kəpî ndò zɔ̀ŋnèkè sê ghənə.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ŋwàʼlè ə̀ Pɔ̂l sê ghɨə Lûmghè 16:9

Ghàyn tɔŋte Òpanùs, vɛ ə ghasènyìə ghə̀ ghənə fɨ̂aʼà sê Klâys. Ghàyn tɔŋte kepî soyn vɨ̂mve chùŋ Sɨ̀takìs.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 16:16

ghàyn chumte ndom vɛ ə ghɨə chisə ə təyn nyiə kə ghɨnə mə, è nâʼàpî ndè vɛ ə è fɨaʼà yighə̀ ghənə.

1 Kɔlìŋ 16:19

Ndɛsə Fezhə̀ sɛ ə se nyi apàs ə Esiyà fâyn pi nə m tɔŋte sê ghàyn. Àkwilà yî Pliskà è tsɨ̀yntə əghɨ pomə kɛ ə ke tsɨ̂yntə̀ ə ghənə ə ndɛ tɔŋtə̂ ə̀ghɨ poməghe nâʼà àchuŋ.

2 Kolìŋ 12:2

M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ngàleshyà 1:22

Ə tè nyì fumə ashìŋə̀, ghɨ poməghe ə Njòndyâ e nyi mə ə paʼà nyìəm fe mi.

Filìpây 2:25

Mə fe nə e tsɔ̂fə̀ kəpi nə m kɛse tiynsê ànyìə ghâsènì Èpàfàlonditùs sê ghàyn. Ghâsè vəyn fɨ̂aʼà əmɔʼ, fɨnə nô kəpî ə̀ghɨ ghɛ ə ghe tâsə̀ nə kə tom èchùŋ zham. Ə̀ nyi ndùətom vâynvè kə ghàyn tè tiynse nə è pəyn tsâmtè mi e fɨ̂aʼ nə zɨ̂yn.

Kòlosè 4:11

Njoshwà vɛ ə tɔŋtə kəpi nə Njustùs, pi nə m tɔŋte sê ghàyn. Ghɨ̂nə̀ ə̀ ta nyeʼe nyi ke ə̀ghɨ Njûs epomə̂ ghɛ ə ghasè ghə̀ ghənə fɨaʼà ə Zhə̀fè efɔ̀yn, ghənə e lotê nyi mə ə nə̀yn kàyntè ètsàmtè se mi.

2 Timotì 4:19

Tɔŋte Pliskà è Àkwilà è ghɨ esas ə ndɛ ə Ònèsifolùsghè sê mi.