Ŋwàʼlè ə̀ Pɔ̂l sê ghɨə Lûmghè 16:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ŋwàʼlè ə̀ Pɔ̂l sê ghɨə Lûmghè 16:26 ပူးပေါင်းရင်းမြစ်များ

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ŋwàʼlè ə̀ Pɔ̂l sê ghɨə Lûmghè 1:2

Ə tom èchùŋ zɛ ə Zhə̀fè nyi mə Fe ə tə kɨytê tsɨ̂nè nə zhi tə fo sê ghɨ Vəynghe. È və tə tsàyn se fɨ̀aʼtèsè ghɛ kûmə̀ tom èchùŋ ə̀təyn kè kə nyi mə ə nyàʼ ə Ŋwàʼlè Èŋwaʼa.

Ŋwàʼlè ə̀ Pɔ̂l sê ghɨə Lûmghè 1:20

Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ŋwàʼlè ə̀ Pɔ̂l sê ghɨə Lûmghè 3:21

Pîza, zôyn Zhə̀fè nyi mə Fə tyə̀yn ndom vɛ ə ghɨ kaʼa nyi chichi ə vəyn əshi. Ndom nə vɛ mə kiva ghɛ zhîze se nə̀yn è lâŋ ə Mosîskè. Lwɔ̂ŋ nə vɛ mə è fɨ̀aʼtèsè ə tə pì ghɛze kûmə̀ èndom nə vɛ mə sə shi.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Kòlosè 1:26

Nâʼà epàm ə sepìŋ se tsɨəse, ghɨə tè zɨə kê va tom ə̀ vəyn, pîza è və nə̀yn nə ghɨ ə vəynghe ke tom ə̀təyn ndàyn.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

2 Timotì 1:10

Pîza ə tyə̀yn paynsê se ghâsènì tɔynə̂ e pə̀yn ə Sɔ̀zàzè, mə za nyi Klâys Njisə̀s. È və nə̀yn kwuze e fɨyn kyi va tyaʼke ə ghâsènì ətu tɔynə̂ ə tom èchùŋ, ə nə̀ nə ghâsènì kyi ndam zɛ ə ze tə mîə va.

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 1:17

Shɨ̂ŋə̀ kɛ ə m tè fe vəyn, ə pfɨ̀ə ə və shi nyi ke kə m kwu ndô, pîza è və ndə̀mə̀ àgho ekɔyn e twɔ ə vəynke ə mìə atu ə pìə sê mi nə, “Kə ò fayn, ə̀ nyi mi nyi zhə̀te fɨyn nyi kwùŋse,

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”