Ŋwàʼlè ə̀ Pɔ̂l sê ghɨə Lûmghè 16:22 - Ŋwàʼlè ə̀ Fèzhə̀ Mkâyn Mə̂ Fèm

²² Nâʼàpî mi Tesùs vɛ ə m nyaʼ zə̂ynzè ə Pɔ̂l ezə, m tomə kəpì ètɔŋtê se ghàyn kə ànyì vâynvè ə Klâys.

Ŋwàʼlè ə̀ Pɔ̂l sê ghɨə Lûmghè 16:22 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 16:8

Ghàyn tɔŋte Àmbìlatùs sê mi, ə soyn vɨmve chùŋ əfètə̂ ghɨ̀ ə Pɛ̂pɛghe.

1 Kɔlìŋ 16:21

Ə̀ nyâʼà kə nâʼà mi Pɔ̂l è gho kɨmke nə, tɔŋtêzè mə ze ndo sê Pɔ̂l.

Ngàleshyà 6:11

Ghàyn fe kə ə̀shi ə ŋwàʼlè ə ghaʼâ ghɛ m njî se nyàʼa ŋwàʼlè zɨ̀nə̀ ətəyn se ghàyn kè nâʼà è gho kɨmke ə.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

Kòlosè 4:18

Ə̀ zɨnə zɔ̂yn nyaʼ mi è gho kɨmke nə, tɔŋtêzè sê ghàyn mə ze ndô pə̂ se Pɔ̂l. Kə ghàyn lɛse nə m nyi ə ndɛ̂ chaʼ. Ə fùʼ ə Fezhə̀kè ə nyi ghâynghə̀ ghənə.

2 Tèsàlonikà 3:17

Ə̀ nyì ke nâʼà mi Pɔ̂l ə m nyâʼà sê ghàyn è gho kɨmke. Ə̀ vɨnə nyi endom vɛ ə m nyâʼà ŋwàʼlè sɨm sekɨ̂m kə nâʼàpî ndè ə ke nə ŋwàʼlè ə̀təyn ndo pə̂yn sê mi.

Filemùyn 1:19

Ə̀ nyâʼà kə nâʼà mi è gho kɨmke sê ghò nyiə nə, “Mi Pɔ̂l nə̀ ndaʼà nâʼàpî àndàŋ àkè kɛ ə Ònesimùs kyi se ndàʼ.” Kə ò nə lɛsè nə kè nâʼà èndam zɛze nyi kə andàŋ ə ò kyi se fo sê mi kûmə̀ nə mə tə tsàmtè ghò nə o nyi chùmtè ə̀ Klâys.