Ŋwàʼlè ə̀ Pɔ̂l sê ghɨə Lûmghè 16:2 - Ŋwàʼlè ə̀ Fèzhə̀ Mkâyn Mə̂ Fèm

² Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

Ŋwàʼlè ə̀ Pɔ̂l sê ghɨə Lûmghè 16:2 ပူးပေါင်းရင်းမြစ်များ

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Ətefɨ̂aʼ 9:13

Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Ətefɨ̂aʼ 9:39

Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Ŋwàʼlè ə̀ Pɔ̂l sê ghɨə Lûmghè 15:7

Ghàyn e fiə ə̀ ghɔnyì ghanə kèpî eghɨ kə Klâys fi ghàyn, wùə èmɔ̀ʼ èmɔ̀ʼ, kə pomsê zə nyi sê Zhə̀fè.

Ŋwàʼlè ə̀ Pɔ̂l sê ghɨə Lûmghè 16:15

Ghàyn tɔŋte sê Fìlolongùs, è Njolyà. Ghàyn ghɔnyì ghɨmghe ə Klâys, ə Nelùs, è Òlimpàs, è ànyì ə̀ ghənə̂ ve èzhɔyn è ghɨ Fezhə̀ ghəkɨ̂m ghɛ ə yî ghə̀ ghənə nyi əmɔʼ.

Ŋwàʼlè ə̀ Pɔ̂l sê ghɨə Lûmghè 16:23

Ngayùs vɛ ə m ndamə ə və ndɛ, ndɛ ə̀ Fezhə̀ e njiə kəpi fu, pi nə m tɔŋtê kəpi ghàyn. Èlasɨtùs vɛ ə è ndə̀mə̀ kɛ endaʼve, è ànyì ə̀ ghâsènì Katùs tomə ètɔŋtê ə ghənə̂zè sê ghàyn.

Ŋwàʼlè ə̀ Pɔ̂l sê ghɨə Lûmghè 16:6

Ghàyn tɔŋte Mèli vɛ ə è tè fɨ̂aʼ nâʼà è tyaʼke ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 16:9

Ghàyn tɔŋte Òpanùs, vɛ ə ghasènyìə ghə̀ ghənə fɨ̂aʼà sê Klâys. Ghàyn tɔŋte kepî soyn vɨ̂mve chùŋ Sɨ̀takìs.

Ɛfesùs 5:3

Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 2:29

Ghàyn fi ke nâʼà vəyn è saŋnêzè kûmə̀ nə è nyi ànyì epomə̂ kè kə ghàyn nyi. Ghàyn e ngɨmnə̂ kəpî ə̀ghɨ kə vəyn.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

1 Timotì 2:10

Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Filemùyn 1:12

M kɛsə̂ tiynsə̂ vəyn sê ghò zôyn nyi kə wùə vɛ ə m kɔ̀ŋə̀ è təm ghɨmghe əkɨ̂m.

Filemùyn 1:17

Ə ò ke nə ghasè ghò nə̀ kə nâʼà efɨaʼ èmɔ̀ʼ, o fiə Ònesimùs kèpi kə ò fe kàʼa ə ò fi mi.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.