Ŋwàʼlè ə̀ Pɔ̂l sê ghɨə Lûmghè 16:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

Ŋwàʼlè ə̀ Pɔ̂l sê ghɨə Lûmghè 16:17 ပူးပေါင်းရင်းမြစ်များ

Matyò 18:17

Mə è tàʼa zɨtê sê ghənə, o njìə ndûə è vəyn sê ghɨ ə ndɛ ə̀ Fèzhə̀ghè. Mə è tàʼa pa zɨtê sê ghɨghe ə ndɛ ə Fèzhə̀, o njìə vəyn kə wùə vɛ ə è tàʼa tyəmə kê Fezhə̀, pî kə wùə ètənə nə̂ sètaks.

Matyò 18:7

Ngəʼ èghaʼâ nyì sê mbi kûmə̀ tèmɔ̂m tɛ ə te nə̂ nə ghɨghə nə̂ pi. Mɔ̂mtè kyi se pə̀yn, pîza ngəʼ èghaʼâ nyì sê wùə vɛ ə è nə̀ nə̂ nə wùə nəyn pi.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Tom èchùŋ kè kə Lûk tè nyaʼ 17:1

Njisə̀s ə tə pi sê chùmtè epàm sə vəynse nə, “Ghɛ ghɛ ə ghe nə̂ nə ghɨghe ə nə̂ pi vâyn kàʼa faŋ se kyàyn, pîza ngəʼ nyi sê wùə vɛ ə è nə ghɨghe e njisə̀ èndom!

Ətefɨ̂aʼ 15:24

Ghàs ə zɨ nə ghɨə mɔ̀ʼɔ ə ghàs əfètəyn ə pə̀yn wàmnè ghɛze, ghe fo ètsôs ə ghàyn ətəm nâʼà sə ŋaŋ. Ghənə tè wamne zamə, mə ə̀ paʼà fo ghàs ètyaʼke sê ghənə.

1 Kɔlìŋ 11:18

Se zhə̀tè m kyiŋə se pì nə, ghɨghə tsàyn sê mi nə ghàyn pə̀ zûŋtə̀ ə ndɛ ə̀ Fèzhə̀, kyi echyâsè ə ghàyn ə fètəyn, m pomə̂ nə ghɛ mɔ̀ʼɔ nyi ətəyn kə̂ ə pîə, ghe nyi ke nâʼà səmɔʼ.

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Filìpây 3:17

Ghɔnyì ghɨmə, ghàyn e səynə̂ kə èndam zɨme. Ghàyn e ndamə kə kə ghɨ ghɛ ə ghàyn fe nə ghənə nə̂ ə̀ghɛ ghɛ ə ghàyn tè fe kə ghàs nə̀.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

Taytùs 3:10

Ə wùə pə̀yn è chyâsèzè ə ghàyn ə fètəyn, o fo fɨ̀as ə̀shi sê vəyn, ə ndù ke eshike se nə̀yn zamə, o fo kwəynsə̂ fɨ̀as. Epàmə̂ ə̀təyn ə è ndù ke eshike, kə ghàyn fɨyn kyî èghɛ zhîze se nə̀yn è vəyn.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

Njût 1:19

Ə̀ ghɨnə nyi əghɨ ghɛ ə nə̂ nə chyâsè zə nyi, mə ghɛ zɛ ə ze chisə ghənə nyi nâʼàpî èghɛ èkè ə təm ə ghənə̂ghè pì nə ghənə nəyn kûmə̀ nə ghənə kyi va Zuʼsə Fezhə̀sè.