Ŋwàʼlè ə̀ Pɔ̂l sê ghɨə Lûmghè 15:8 - Ŋwàʼlè ə̀ Fèzhə̀ Mkâyn Mə̂ Fèm

⁸ M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 15:8 ပူးပေါင်းရင်းမြစ်များ

Matyò 15:24

Njisə̀s ə pə̀ynsə̀ nə, “Zhə̀fè tè tom Mi nə m pəyn tsâmtè ə̀ghɨə Isìlây ghɛ ə nyi kə sendzè senjisəse.”

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Njɔyn 1:11

È və pə̀ ə tə̂ zə Vəyn nə endaʼ pîza, ghɨə Vəynghe ə tàʼa fe kê ə vəyn.

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 11:22

Ghàyn ə fe nə, ə apàs àmɔ̀ʼ, Zhə̀fè nyiə pɔynə̂ nâʼà àchûŋ, ətə kəmɔ̀ʼɔke fe tɛ nâʼà sə ŋaŋ. È nyiə tɛ se ghɨ ghɛ ə nyi mə ə njìsè ndomve, kyi ə̀təm ə chûŋghè ezhoghɛ ə ghàyn pa chûmtə̀ ndom ə vəynve. Pîza ə ghàyn chùmtə̀ va ndom ə vəynve, ə è tə fɨaftê tsɨ̂sè kepî ghàyn.

Ŋwàʼlè ə̀ Pɔ̂l sê ghɨə Lûmghè 11:30

Sê ghàyn ghɨ ghɛ ə̀ vachi ə̀ghɨ ə Njûsghè, ghàyn tè zɨə tsɛ̂ va Zhə̀fè, pîza zôyn e nyi mə Fə kose səyn sê ghàyn kûmə̀ nə ghɨ Njûsə̀ ə tè tə se zɨ sê Vəyn.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 3:26

Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.

Ŋwàʼlè ə̀ Pɔ̂l sê ghɨə Lûmghè 3:3

Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?”

Ŋwàʼlè ə̀ Pɔ̂l sê ghɨə Lûmghè 4:16

Ə̀ nyi kûmə̀ nə ghɨə pomə̂ ndò se Zhə̀fè, ə ze tə nə̂ nə ghənə kyi fɨa vɛ è nyi mə è və tsɨnè. È və nə̀yn nyiəmə kə ze tyəyn nə ə̀ nyi ətəm ə vəynghe chûŋghè ə ghe nə̂yn nə È tsayn mɨsè shîŋə̀ zemɔ̀ʼ sê ghâŋ fə Aplàghâmfè nə È tə fo ndò fɨa kɛ ə è tè tsɨ̀ne sê ghənə. È tè paʼà fo ke tsɨ̂nèzè se ghɨ ghɛ ə ghe tè ndə̀mə lâŋkè, È tè fo kepî sê ghɨ ghəkɨ̂m ghɛ ə tè pomə Zhə̀fè kə Aplàghâm tè pomə. Aplàghâm nyi pɨ̀a sê ghâsènì əkɨ̂m.

1 Kɔlìŋ 1:12

Ghɛ zɛ ə m pîə nyi nə nâʼàpî ndè ə ghàyn ə fètəyn wâmnə̀ kə sə nɨŋ. Ghɨ yîghe pìə nə, ghənə nyi əghɨ ə Pɔ̂lghè; yîghe pîə nə, ghənə nyi əghɨ ə Àpolòsghè; ghəmɔ̀ʼghe e pìə nə, ghənə nyi əghɨ ə Sefàsghè, yîghe pîə nə, ghənə nyi əghɨ ə Klâysə̀.

1 Kɔlìŋ 10:19

E za tyə̀nə̀ nə ghɛ zɛ m piə nyi nə fɨ̂aʼsèkè kɨ̀sə ə̀ nyi efɨazhiə vɛ ə fo sê kəynke kwəynə̂ pi ndò eghɛ zhize mə?

1 Kɔlìŋ 10:29

m pîə chîəva ghɛ nə ətəm ə saʼaghe, pîza kûmə̀ ə̀təm ə saʼa ə wûə vɛ ə è tsàyn sê ghò ə ghe nə̀ fɨmsə̂ vəyn. Pîza wùə vîvè nə̀ pîə nə, “Kûmə̀ ghè ə ze nyi nə m vayn kàʼa ə m nəyn ghɛ zɛ ə m kyiŋə se nə̀yn kûmə̀ nə m fânə̀ nə təm ə wûəghè nə̀ saʼa vəyn ə?

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

2 Kolìŋ 1:20

Ə̀ nyi vəyn vɛ ə è nyi “Èyn” sê tsɨnè tə Fezhə̀ tekɨ̂m. Ə̀ za nyi eghɛ zɛ tɔynə̂ ə Njisə̀s Klâys, ghâsènì pìə nə “Zə nyi ke zamə”, kə pomsê ətəynve ə ndûə se Zhə̀fè.

Ɛfesùs 2:12

Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.