Ŋwàʼlè ə̀ Pɔ̂l sê ghɨə Lûmghè 15:32 - Ŋwàʼlè ə̀ Fèzhə̀ Mkâyn Mə̂ Fèm

³² Kə nyi ekɔ̂ŋ ə Fezhə̀zè, m tə kɛsê pəyn se ghàyn è saŋnêzè, se mòtè ə ghàyn kə m kaʼa m zɨte kə ghâsènì nyi əmɔʼ.

Ŋwàʼlè ə̀ Pɔ̂l sê ghɨə Lûmghè 15:32 ပူးပေါင်းရင်းမြစ်များ

Ətefɨ̂aʼ 18:21

È və pɨlə pîə se ghənə kə è tè ndo nə, “Ə̂ nyi ekɔ̂ŋ ə Fezhə̀zè, m tə kɛsê pəyn.” È və wàmnə̀ za ə njiə ə ngwùʼ ə ndò zâ Plìsilà è Àkwilà fu.

Ətefɨ̂aʼ 27:1

Ə̀ tè nyi kə sayne nə ghàs nji ə ngwùʼ ə ndu ə Italì, ə fo tsɛsə̀ Pɔ̂l è ghɨə ndɛ ə̀chaʼə mɔ̀ʼɔghe sê tu ə sesokə̀ʼ eghaʼâkè, zə vəynze e nyi Njolòs. Njolòs tè nyi atu se nɔ̂yn ə sesokə̀ʼ kɛ ə tè tɔŋtə nə, “Anɔ̂yn ə sesokə̀ʼ ə Kaysàkè”

Ŋwàʼlè ə̀ Pɔ̂l sê ghɨə Lûmghè 15:29

Shîŋə̀ kɛ ə m pə̂yn sê ghàyn, m ke ndô nə m tə pə̂ è kàyntè èpɔsê ə Klâyszè.

1 Kɔlìŋ 16:18

Ghənə ə tɨ̀msè təm ghɨmə kèpî èghɨ kə ghənə tɨ̂msè ghanə. Ghàyn e ngɨmnê ə̀ghɨ nyi kə ghɨnə mə.

1 Kɔlìŋ 4:19

Pîza mə ə Pɛ̂pɛ kɔ̂ŋə̀, m mote ke nyî m pəyn fe ghàyn, ə m fe è ngɨŋ zɨ̂mè ghɛ zɛ ə ghɨə ghaŋsə nə ewìyn ghɨnə̀ pìə è kɨsè kyì atyaʼ kɛ ə ghənə kyi.

2 Kolìŋ 7:13

Ghɛ nə ghɨnə ə nə̀yn ghàs e kyi èfɨəmtê. Ghàs tè nyîə saŋnə̂ nâʼà sə ŋaŋ se fe kə Taytùs saŋnə̂ kûmə̀ èndom vɛ ə ghàyn tè tɔ̀ʼnə è vəyn.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Njə̂m 4:15

Ghàyn pɨl kyi sə̂ piə nə, “Ə ze kwəynə sê Pɛ̂pɛ, ə ghàs ndam ə nəyn ghɛ zɨ̀yn kɨ̀sə zhîə.”